Yiesu *sundu San n diɛn kadaad tintaa nba ne. U diɛn l kadaad youg nba g Kristo *ninnanda bo baal g kua Kristo-yab *tintaanu n ninŋ g tund niib yal nba g tuag yen Yiesu *Laabamann g ŋmad b yam, g bonciɛnn buon b *dindann. L faaɔgdanm bo tund niib g Yiesu nba k b mal’o g niib kul ban nyan kaa tie *Kristo, Yendu n lugd yua nba g sun’o k wan fiel ŋanduna. B bo maad g Yiesu tie nifosaal i g Kristo nuan g tie nifosaal kaa, k u tie Yendu *Fuom yua i, k l Fuom bo baal g be Yiesu n ninŋ i, k u kuum youg k l Fuom nɔd g nyiɛ g ŋaa Yiesu gbannand. B biɛ bo maad g tuonbiid g tie siɛl, k l g biid siɛl Kristo-yua binbem n ninŋ yen u Yendu, g Kristo-yua bu fid gii fo wan bua nand. L tunda bo baal yen ŋmadl bonciɛnn Kristo-yab siign.

L po n te g San bo diɛn l kadaad g tie Kristo-yab g maad’b k ban suol b kua yen l nibuolu, l faaɔgdanm. G yuand g ŋɔn’m yua nba tie Kristo-yua n baa tie nibuolu nba, wan baa fo nand g dɔnnu be wano yen Yendu siign.