Yiesu *sundu Piɛr n diɛn munle po kadaaɔg ne g tie Kristo-yab. L kadaaɔg n ninŋ, u ŋɔn’m nil nba tuo g gaal *Laabamann yen papienn n ji baa be binbem nba i. L daan binbem baa tuag yen Yendu n bua g niib ń gii be nand k u pal man b po. Wan diɛn l kadaaɔg yaa youg, nibiid bo be g kua Kristo-yab *tintaancaga n ninŋ g tund lieb tundl nba g tuag yen Yiesu Laabamann n maad yal nba. L nibiid n bo g dug g *Kristo bu guan nyan, b bo laa yab nba bo guu Kristo guanu i. Piɛr pakɔnn bo tie g Kristo-yab ń bann sonml g daa baa l nibiid diɛɔg n i.

U cegl Kristo-yab k ban ŋanm gii cenŋ yab nba bo be yen Yiesu g la wan sun yal nba g biɛ gbad wan bo maad yal nba. Piɛr yed g Kristo daa gii g guan, l g tie k u kan guan kaa, u bua g biiddanm ń gbad Laabamann g lebd b binbem yo k wan fid g guan.