Kadaaɔg ne, Suud bo diɛn k l tie Kristo-yab kul yal i. Wano Suud mɔ bo tie Yiesu *sundu i. Wan maad maam nba u kadaaɔg n ninŋ ne, l g kpiɛd yen Piɛr n maad yal u kadaaɔg munle po n ninŋ. Banm banle kul l kɔn yen danm nba tund niib faaɔg tundl g yegnd yen cuncontuona nyan i.

Suud cil g kɔn yen yab nba diɛ faaɔg tundl g bɔnd niib nyan i. G yuand g ŋɔn Kristo-yab n baa sie *dindann sɔnu n ninŋ nand k l paa. U juod u kadaaɔg g pag Yendu i, wano nba te g Yiesu Kristo tie sɔnu nba g niib bu tɔgn k wan fiel’b.