इद सीटटुन रासवाल येसुना बळयि पोलु आंदोग़. पोलु इद सीटटुन गलाति पटटोर विस्वसिरिह्‌क रासतोग़. ओर कतमतोर यहुदि आयवोर मतोर. इद सीटि बाराह्‌क रासतोग़ इतेके, अद तूकने जोल काग़्हवालोर यहुदिर गलाति पटटोर विस्वसिरगा वातोर, वासि तमाङ अडोङ (इतेके मोसा मुय्तोग़ ईतव अडोङ) माळलाह पोकुर कींदुर. अदिनेनाह्‌क पोलु यहुदि काग़्हवालोरा पोग़ोन ओङ आतोग़, ओसो गलातितोर विस्वसिर ओराङ केंजिस नमिस मतोर, इदिन केंजिसि पोलुह्‌क पका दुकम आता. अदिनेनाह्‌क पोलु गलातितोरिन तेळियिह कीयलाह इद सीटि रासतोग़. पोलु सीटटगा इह इन्ह्‌तोग़ इतेके, नना पोकुर कीयनद कबुरिये बेसता कबुर आंदु, ओसो येसु किर्स्तुन विस्वस केवालोर मोसानाङ अडोन पोस ताकनदायो, अव अडोङ सिरप मन्कना पापमतुने तोहतह्‌ताङ. मति मन्कलोर येसु किर्स्तुन विस्वस कीतेकेन सेतेमतोर आस्तोर. येसुना मेटेने ओर विस्वसिर विस्वसते निच मन्ह्‌तोर इनजोर पोलु इद सीटटगा वेहतह्‌तोग़.