Pue, topekambiku au maroa
Nani petoiana Daudi
23
1 Pue mokambi tuwongkunodo hadua toporewu au mokadipura dimbana.
Bara mpuu ara kamakurangku.
2 Napopaidana i pada au marudu.
Naninina monontohi owai au malino hai lene.
3 Napakaroho watangku;
Naninina i rara au manoto moula dandiNa.
4 Nauri molumaona i lembo au makaindi,
barana langa, lawi Nuporangaina.
PatoMu hai laiMu, itimi au mokampaina
hai au mopalindona.
5 Nupasilolongaana paandeku
i lindona iwalingku.
Nutawimona hai lana mawongi anti kaNubilangku.
Paenuangku Nuihii melulumbea.
6 Maroa mpuu laluMu iriko;
Nupokaahi liliuna,
hai ina maidana i lalu souMu
hawe i hae-haena.