Datu au Meawa
Nani petoiana Daudi
24
1 Pue iami ampu tampo, tahi hai hinangka ihina;Iami ampu dunia hihimbela hai au mampaidai.
2 Lawi Iami au mohua ariina i wongko tahi
hai Napopeangka i owai au kaladu.
3 Hema au peisa mengkahe i bulu paidaana Pue
hai au peisa mesua i souNa au malelaha?
4 Ia au bara mobabehi dake hai au manoto laluna,
au bara modongko hai bara menomba i anitu.
5 Ia au ina molambi pewati hangko i Pue,
au ina napakanoto Pue Ala kadana masala.
6 Noitimi poengkonda tauna au mohaokihe Pue Ala,
hai au menombahe i Pue Ala au napenombai Yako.
7 Bungkahimi maemba-emba babaka
au hangkongkoianami,
bona mesua Datu au meawa!
8 Hema Datu au meawa?
Iami Pue au makuasa,
hai au maroho i lalu pombeala.
9 Bungkahimi maemba-emba babaka
au hangkokoianami,
bona mesua Datu au meawa!
10 Hema Datu au meawa?
Iami Pue au makuasa ntepuu.
Iami Datu au meawa.