Tetoiami Topetulunginda to Isaraeli.
124
1 Idemi nani polumaonda tauna lao i Yerusale au nauki Daudi.
Ane rapana, Pue bara ntanda irikita,
—pogiangaa worihe to Isaraeli manguli nodo—
2 ane rapana, Pue bara ntanda irikita
i karabungkata iwali,
3 batenta raame tuwo-tuwo,
i tempona karumpunda humawo;
4 batenta nalaboa owai,
nailihake halu;
5 i owai meumbala iti
batenta maliso.
6 Tetoiami Pue au barake mohubi
rapapate iwali.
7 Tuwonta nodo tadasi au tekabaha hangko i hea;
mabotumi hea iti, hai tekabahake!
8 Petulungi irikita mai hangko i Pue
au mampopewali langi hai tampo.