Pekakae i lalu kapari
130
1 Idemi nani polumaonda tauna lao i Yerusale.
O Pue, hangko i kamaparingku au rumihi, meraroana Irio!
2 O Pue, pehadingi peraroangku!
Nuhanai pamperapiku
au kupahawe i lalu pekakaengku.
3 O Pue, ane Nukatuinao hinangka dosangki,
hema pae au nabuku mantaha i lindoMu, O Pue?
4 Agaiana Irio ara peampungi
bona tauna mengkoruhe Irio.
5 Mampempegiana petulungina Pue,
tanoanangku mampepegia Pue
hai meharungana i ngkoraNa.
6 Tanoanangku mampempegia Pue,
melumbu hangko i topekampai mampempegia sowea,
melumbu hangko i topejaga mampempegia madondo.
7 Ee to Isaraeli, peharungakau i Pue,
lawi Iria ara ahi bara mokahopoa,
hai Ia morombelami mehorema.
8 Iami au ina mokabaha to Isaraeli,
hangko i hinangka dosanda.