Tehorema hangko i kapari
129
1 Idemi nani polumaonda tauna lao i Yerusale.
“Hangko mangura peamona, handami karapakaparingku iwali.”
Pogiangaahe to Isaraeli manguli node:
2 “Hangko mangura peamona,
handami karapakaparingku iwali,
agaiana barana ranangi.
3 Iwalingku nodohe topopajeko mobelaihe bengongku;
ngkalanga belana nodo popajekoa.
4 Agaiana Pue manoto,
Ia motampaki petakanda to kadake.
5 Kuharunga ope-ope tauna au mokahihi Sion
ina molambihe ea hai mousulihe.
6 Pogiangaahe nodo hehi i tumu atu,a
malau hangko damani rawuka,
7 au raliu topohambe
hai bara rarampu topoambi.
8 Tauna au molempohe barahe ina manguli node,
‘Pue mowatikau!
Kiwatikau i lalu hangana Pue.’ ”