Pue Ala Topetulungi
146
1 Toiami Pue!Toiami Pue, O tanoanangku!
2 Ina mampolingana Pue, liangku mani tuwo,
hai mamponanina petoia
i Pue Ala au kupenombai, pantuku mani ara.
3 Ineeko mepoinalai i tuanahe,
i tauna au bara peisa mehorema.
4 Ane mabotumi inaonda, mesulemohe i tampo;
alo iti peawomi, matanta hinangka tunggaianda.
5 Morasimi tauna au mampoampu Pue.
Pue Ala au napenombai Yako mewali topetulunginda;
au Iria pea peharunganda:
6 Ia au mampopewali langi hai tampo,
tahi hai hinangka ihina;
kamaduduna Pue tetida i hae-haena.
7 Ia mopatogo kanoto i tauna au rahihipi,
Naweihe paande tauna au marimi.
Pue mokabaha tauna au mapari tuwonda.
8 Pue mampopeitahe tauna au bilo,
Pue mopatogohe tauna au motumpa,
Pue mampokaahihe tauna au manoto.
9 Pue mokampaihe tohandarena,
toilu hai tobemba Napatogo hulehe,
agaiana raranda tauna kadake Nalengkoka.
10 Pue iami Datu au moparenta i hae-haena,
O Sion, Pue Ala au nupenombai makuasa i hae-haena!
Toiami Pue!