Kɔ̀dɛ́ńtìpa Pɔkàcecetá i

Pɔ̀kàta Pɔ́dì wà̰haà-ta Kɔ̀dɛ́ńtìpa

Cetá Kam̀má

Pɔ́dì-dà wà̰haà ye pɔ̀kàtà mɛntà-ní Kɔ̀dɛ́ńtìpa weèdɔɔ̀-hòǹhòni. Mɛnń-dà cetà ye weèdɔɔ̀-nàmɔ̀nì-ní o Weèdi wɛmá cakàma cà̰ǹku dɛ́ɛ̀kú mɛhɛká. Kɔ̀dɛ́ńtì yɔtí de yòǹ yɔsàti-dà Kɛ̀dɛ́sì teǹka mɛhɛká, è káá kááma sàma. Nìpa boocí dɔ́ɔ́di-dà de yè péé, è fòù kpákpààma mɛhɛká pa yàma kpɛ̀kaàma. Kà Kòdòwéè hɔ̰́ɔ̰́tà-kpɛ́ɛpá tɛ̀ni caka Pɔ́dì wɛkú mɛ̀ǹkù de péé-ku ye weèdɔɔ̀-nàmɔ̀nì mɛhɛká (1.11).

Ye wɛkú mɛ̀ɛ de yòǹ cɛ̰má dɔ́ɔ́di-dà: Weèdɔɔ̀pa de totà-á-ma mɛ̀m̀pà pà túdí-pa hḭ́ǹka, kà dɔ́ɔ́ma nà yɔ́humú pa̰á̰ma sṵ́n, kà nìpa fóǹ nà pa yá̰á̰ma, kà wàci dɔɔ̀ma nà dɔ̀hàka pà cì pa̰kú-ka yam̀màhàka káà péé pa yàma mɛhɛká. Pɔ́dì pà wà̰haà ye pɔ̀kàtà-ní è kpɛ̀i é dɔ̀hà ye kú wɛkù wɛǹni-dà weèdɔɔ̀-nàmɔ̀ni mɛhɛká é nì wekàna. Ò de tṵ́mà kpɛ̀i é pà kɔ̰́ɔ̰́ tencí-dà, nà biɔhànamá mɔ́mmá Weèdi Sèdi pa̰ká hḭ́ǹka, nà pa pa̰á̰ma yònà é n'yòm̀pu kà pá n'weni Weèdi yìhìka.

Pa mɔ́mpá mɛ̀ɛ té de ò wà̰haà-á-ma pɔ̀kàta óò béka békàma niìi dɔ́ɔ́di hḭ́ǹka (7.1). Àmá ye békàma wɛǹni de yéńtí-sa kú hḭ́ǹka-dà de héé : « Weèdɔɔ̀o tee-é-dà o cɔ̰́ɔ̰̀di è kó nɛɛ́ pa̰á̰ o yàma kpɛ̀i-sá wɛǹni »? Kà Pɔ́dì de pà tɛ̰́ná è yɔ̀ à̰à̰ ò tee-é-ma o cɔ̰́ɔ̰̀di àmá dɔ́kàma-dà yònà óò n'túdí niìi wɛǹni mɛhɛká, ò pú yònà é héé kà fóńfóǹti óò n'túdí. Ò de pà cakáà è yɔ̀ pà yòǹ Kídísì kpɛ́ɛpá-dà, pà yònà é n'fòù cɔ́díma mɛhɛká-dà niìkpákpààpa cɔhɔ̀ka. Pà fòù fòùku mɛhɛká, àmá pà pú yòǹ fòùku kpɛ́ɛpá.

Wɛyuùka sàka tɔɔ̀ka ò de wɛɛ̀-ka kú hḭ́ǹka-dà héé: Potóóma wɛkú, pa̰á̰ma mɛ̀mà yakapú-ma pa peètamá, kpíípa yá̰ńtáma wɛmá nà díitɔ́hɔ́kàma é tempanà pa weèdɔɔ̀tɔ̀pa mɛ̀m̀pà péé-pa Sèdìsàdɛ́m̀.

Ǹtɛ o pɔ̀kàta wɛmá tṵǹ-tṵ̀nàma ma tɔɔ̀ma:

Kɔ̀d-c 1.1-9 Dɔɔ̀mu nà tɔnáma

Kɔ̀d-c 1.10-4.21: Totáma weèdɔɔ̀pa cɔhàka nà yaǹfòùma mɔ́mmá

Kɔ̀d-c 5.1-6.20 : Pa̰á̰kpákpààma weèdɔɔ̀pa cɔhàka

Kɔ̀d-c 5.1-13 : Sɔ̀kací pa̰á̰ma

Kɔ̀d-c 6.1-11 : Weèdɔɔ̀pa sídí pa tɔɔ̀pa

Kɔ̀d-c 6.12-20 : Nɛ dá m'pa̰kú-nà nɛ wɔ̰̀ǹti nɛ yàma kpɛ̀i-sá

Kɔ̀d-c 7.1-40 : Potóóma Wɛkú

Kɔ̀d-c 8.1-11.1 : Wàci dɔɔ̀ma nà dɔ̀hàka pà cì pa̰kú-ka

Kɔ̀d-c 11.2-12.40 : Paá̰ma mɛ̀mà yakapú-ma weèdɔɔ̀pa peètamá

Kɔ̀d-c 11.2-16 nà 14.34-35 : Poòpa pa̰á̰ma peètamá mɛhɛká

Kɔ̀d-c 11.17-34 : Teó dipú

Kɔ̀d-c 12.1-14.1-40 : Weèdi Sèdi pa̰ká

Kɔ̀d-c 15.1-58 : Kpíípa yá̰ńtáma

Kɔ̀d-c 16.1-4 : Díitɔ́hɔ́kàma é tempanà pa weèdɔɔ̀tɔ̀pa Sèdìsàdɛ́m̀

Kɔ̀d-c 16.5-12 : Cà̰ǹci Pɔ́dì kpɛ̀i é taá-ci

Kɔ̀d-c 16.13-24 : Tencí dèǹdèǹci nà cɔɔ̀ma