২ ইয়াফেতর পুয়াইন্তর নাম: গোমর, মাজুজ, মাদয়, ইয়াবান, তুবল, মেশক আর তীরস। ৩ গোমরর পুয়াইন: অস্কিনস, রিফত আর তোগর্ম। ৪ ইয়াবানর পুয়াইন অইলা: ইলিশাহ, তর্শীশ, কিত্তীম আর রোদানীম। ৫ এরার বংশর মানষে নানান জাতর মাত-কথা, পরিবার আর জাত হিসাবে দরিয়ার পারর নানান দেশো ছিতরি গেলা।

৬ হামর পুয়াইন্তর নাম: কুশ, মিসর, পুট আর কেনান। ৭ কুশর পুয়াইন: সবা, হবিলা, সপ্তা, রয়মা আর সপ্তকা। রয়মার পুয়াইন অইলা: সাবা আর দদান। ৮ কুশর এক পুয়ার নাম আছিল নমরুদ। অউ নমরুদ দুনিয়াইত পয়লোয়ান অইয়া উঠছিল। ৯ মাবুদর গেছে হে আছিল পয়লোয়ান শিকারি। এরলাগি কথায় কয়, মানুষটা যেন মাবুদর ছামনে নমরুদর লাখান পয়লোয়ান শিকারি। ১০ শিনার দেশর বাবিল, এরক, অক্কদ আর কলনী নামর টাউন অকল লইয়া হে বাদশাই শুরু করলো। ১১ অন থাকি তার রাইজ্য বাড়িয়া আশিরিয়া দেশ পর্যন্ত গেল। হখানর নিনভ, রহবতপুর, কেলহ ১২ আর রেষন নামর টাউন অকলও তার বানাইল। রেষন আছিল নিনভ আর কেলহর মাজখানো, ই তিনটায় মিলিয়া এক বিরাট শহর অইলো। ১৩ মিসরর বংশ অইলা অউ জাত অকল: লুদী, অনামী, লহাবী, নপ্তোহী, ১৪ পথ্রোষী, কসলুহী, আর কপ্তোরী, অউ কপ্তোর দ্বীপ থাকি ফিলিস্তিনী অকল বার অইয়া আইলা।

১৫ কেনানর বড় পুয়া সিদন, বাদর পুয়া হিট, হিট্টী জাতির মুল বাফ। ১৬ কেনান আছলা যিবুজী, আমোরী, গির্গাশী, ১৭ হিব্বী, আর্কী, সীনী, ১৮ আর্বাদী, জমারী আর হামাতী, অউ জাতি অকলর মুল বাফ। হেশে অউ কেনানী অকল চাইরোবায় ছিতরি গেছলা। ১৯ সিদন টাউন থাকি গেরারর মুখা গাজা পর্যন্ত, আর গাজা থাকি ছাদুম, আমুরা, অদমা আর ছবয়িম যাওয়ার পথে লাশা পর্যন্ত কেনানী অকলর রাজত্ব আছিল। ২০ পরিবার, মাত-কথা, দেশ আর জাত হিসাবে এরা আছিল হামর খান্দান।

২১ ইয়াফেতর বড় ভাই সামরও পুয়া-পুড়ি অইছলা। সাম অইলা আবের আর তার খান্দানর বাফ। ২২ সামর পুয়াইন্তর নাম: ইলাম, আশুর, আর্ফাক্সাদ, লুদ আর ইরাম। ২৩ ইরামর পুয়াইন: উজ, হূল, গেথর আর মশ। ২৪ আর্ফাক্সাদর পুয়া শালেখ, আর শালেখর পুয়ার নাম আবের। ২৫ আবেরর দুই পুয়া অইছলা, একজনর নাম ফালেজ [মানি, আলগা], তান সময় দুনিয়া আলগ অইছিল করি তান অউ নাম অইলো। ফালেজর ভাইর নাম ইয়াকতান। ২৬ ইয়াকতানর পুয়াইন অইলা: অলমোদদ, শেলফ, হাযরামাওত, যেরহ, ২৭ হদোরাম, উজাল, দিক্‌লা, ২৮ ওবল, অবিমায়েল, সাবা, ২৯ ওফির, হবিলা আর যোবব। এরা হকল অইলা ইয়াকতানর পুয়াইন। ৩০ মেষা থাকি পুবেদি ছেফারো যাওয়ার পথো যে পাড়ি জাগা আছে, অনো তারা থাকতা। ৩১ পরিবার, মাত-কথা, দেশ, আর জাত হিসাবে এরা অইলা সামর খান্দান।

৩২ জাত আর বংশ হিসাবে এরা অইলো নুহর পুয়াইন্তর পরিবার। বানর বাদে এরার বংশ অকলে নানান জাত অইয়া আস্তা দুনিয়াইত ছিতরি গেছলা।