Hozrot Nuh (a:)-or ḳandan-nama
10
1 Nuhor fuain Sham, Ham, ar Iafetor ḳandanor boean. Banor bade tarar fua-fuṛi oisla.2 Iafetor fuaintor nam: Gumor, Mazuz, Madoe, Iaban, Tubol, Meshok ar Tirosh. 3 Gumoror fuain: Oskinosh, Rifot ar Tugormo. 4 Iabanor fuain oila: Ilishah, Torshish, Kittim ar Dudanim. 5 Erar bongshor manshe nanan zator mat-ḳota, foribar ar zat hishabe doriar faror nanan desho sitri gela.
6 Hamor fuaintor nam: Kush, Mishor, Fuṭ ar Kenan. 7 Kushor fuain: Shoba, Hobila, Shofta, Roema ar Shoftoḳa. Roemar fuain oila: Shaba ar Dodan. 8 Kushor eḳ fuar nam asil Nomrud. Ou Nomrud duniait foeluan oia uṭsil. 9 Mabudor gese he asil foeluan shiḳari. Erlagi ḳotae ḳoe, manushṭa zen Mabudor samne Nomrudor laḳan foeluan shiḳari. 10 Shinar deshor Babil, Eroḳ, Okkod ar Ḳolni namor ṭaun oḳol loia he bashshai shuru ḳorlo. 11 On taki tar rajjo baṛia Ashiria desh forzonto gelo. Hoḳanor Ninob, Rohobotfur, Ḳeloh 12 ar Reshon namor ṭaun oḳolo tar banailo. Reshon asil Ninob ar Ḳelohor mazḳano, i tinṭae milia eḳ biraṭ shohor oilo. 13 Mishoror bongsho oila ou zat oḳol: Ludi, Onami, Lohabi, Noftuhi, 14 Fotrushi, Ḳoshluhi, ar Ḳofturi, ou Ḳoftur dip taki Filistini oḳol baroia aila.
15 Kenanor boṛo fua Sidon, bador fua Hiṭ, Hiṭṭi zatir mul baf. 16 Kenan asla Zibuzi, Amuri, Girgashi, 17 Hibbi, Arki, Shini, 18 Arbadi, Zomari ar Hamati, ou zati oḳolor mul baf. Heshe ou Kenani oḳol sairobae sitri gesla. 19 Sidon ṭaun taki Geraror muka Gaza forzonto, ar Gaza taki Sadum, Amura, Odma ar Sobuim zaoar fote Lasha forzonto Kenani oḳolor razotto asil. 20 Foribar, mat-ḳota, desh ar zat hishabe era asil Hamor ḳandan.
21 Iafetor boṛo bai Shamoro fua-fuṛi oisla. Sham oila Aber ar tar ḳandanor baf. 22 Shamor fuaintor nam: Ilam, Ashur, Arfaksad, Lud ar Iram. 23 Iramor fuain: Uz, Hul, Getor ar Mosh. 24 Arfaksador fua Shaleḳ, ar Shaleḳor fuar nam Aber. 25 Aberor dui fua oisla, eḳzonor nam Falez [mani, alga], tan shomoe dunia alog oisil ḳori tan ou nam oilo. Falezor bair nam Iaḳtan. 26 Iaḳtanor fuain oila: Olmudod, Shelof, Hazramaot, Zeroh, 27 Hoduram, Uzal, Dikla, 28 Obol, Obimaiel, Shaba, 29 Ofir, Hobila ar Zubob. Era hoḳol oila Iaḳtanor fuain. 30 Mesha taki fubedi Sefaro zaoar foto ze faṛi zaga ase, ono tara taḳta. 31 Foribar, mat-ḳota, desh, ar zat hishabe era oila Shamor ḳandan.
32 Zat ar bongsho hishabe era oilo Nuhor fuaintor foribar. Banor bade erar bongsho oḳole nanan zat oia asta duniait sitri gesla.