Kîewa gîa kwathîkîra Mwathani
Rwîmbo rwa antû beetîîtie Njerusaremu kûgonga.
128
1 Kîthaarimo i kîrî bara bonthe bakuthûkaga Mwathani,ûra ûthiiyagîra njîraani ciake.
2 Ûkaarea maciaro ma ngûgî ciaku,
ithaarimo na kûthagaya bikeegua birî biaku.
3 Mwekûrû waku agaakara ta mûcabiibû ûrî na rûciaro mûno,
ndeeni ya nyomba yaku.
Aana baaku nabo bagaakara ta mîthîntî ya mîceituuni rîra îkûririma,
bakari nthî bacerereete meetha yaku.
4 Muntû ûra akuthûkaga Mwathani
i bu athaarimagwa ûgu.
5 Mwathani arookûthaarima arî Sayuuni
ntugû cionthe cia ûtûûro bwaku,
ûroona kwenderea kwa Njerusaremu,
6 na ûrootûûra ûkoona aana ba aana baaku.
Ûkiri bûrookara îgûrû rîa Isiraeri.