Îromba n'ûntû bwa gûcinda anthû ba Sayuuni
Rwîmbo rwa antû beetîîtie Njerusaremu kûgonga.
129
1 “I bambinyîîrîîtie mûno kuuma wîthî bwakwa,”ga Isiraeri yuuge,
2 “I bambinyîîrîîtie mûno kuuma wîthî bwakwa,
îndî gûtirî rîo bambûûmba.
3 Arîmi na mûraaû ibarîmîîte mûgongo wakwa
na baarûtha mîtaro ku.
4 Îndî Mwathani n'ûmwagîru,
nanthaûrîîte kuuma inyaani ya bara bathûûku.
5 Bonthe bara bathwîre Sayuuni
baroogîa îgi.
6 Barookara ta nyaki îra yumaga rûûgûrû rwa nyomba,
îra yûmaga îtirakûra,
7 mûkûûri nyaki atimîûyûria njara,
kana ûra amîîthîranagia amîûyûria mpî.
8 Ka bara bakûrûkagîîra agu batikauge,
‘Mwathani aroobûthaarima!
Tûkûbûthaarima riîtwani rîa Mwathani.’ ”