Îromba n'ûntû bwa gûcwa ûteethio
Rwîmbo rwa antû beetîîtie Njerusaremu kûgonga.
130
1 Ingûgûkayîra ndî mborokerooni, woû Mwathani,2 Iî Mwathani, îgua kayû gaakwa.
Ka matû maaku mathikîîrie
kîrîro gîakwa ûmbîgîîrue kîao.
3 Mwathani, ûkeegua n'watûtarîîre wîyia bwetû rî,
n'ûû we agîtigara?
4 Îndî kîrî woû kûrî na kûrekerwa,
kwogu ûrî ûmûtîîye.
5 Mbeteereete Mwathani, nkoro yakwa n'yetagîîra,
na mbigaga mwîrîgîîro kiugooni gîake.
6 Nkoro yakwa yeetagîîra Mwathani,
nkûrûki ya bûra araaria beetagîîra gûkîa,
nkûrûki ya bûra araaria beetagîîra rûkîîrî.
7 Woû Isiraeri, iga mwîrîgîîro waku kîrî Mwathani,
n'ûntû kîrî Mwathani kûrî na wendo bûra bûtathiraga
na kîrî we kûrî na gûkûûrwa buru.
8 We wengwa agaakûûra antû baake ba Isiraeri
kuuma meeyiani maao monthe.