Kîrîro gîa atae barî ûkombooni Mbabironi
137
1 Miurooni ya Mbabironi i ku twakaraga nthî tûkîrîraga,twaririkana Sayuuni.
2 Mîtîîni înu ya makumbo,
i ku twacuuragia wandîndî cietû.
3 N'ûntû tûrî noogo bara baatûtaîte beendaga tûbainîra.
Bara baatûnyamaaragia
baatûûragia tûbainîre nyîmbo cia gîkeno,
baugaga, “twinîreeni rwîmbo rûmwe rwa Sayuuni!”
4 N'ata tûkaina nyîmbo cia Mwathani,
tûrî nthîgûrû îngeni?
5 Nkaaya kûriganîrua i woû Njerusaremu,
njara yakwa ya ûrîo îrooriganîrua i waara bwayo.
6 Rûrîme rwakwa rûroorûmîîra kanyua
nkaaya kûriganîrua i woû,
na nthûkia Njerusaremu
îrî gîkeno gîakwa kîra kînene.
7 Mwathani ririkana bûra Aendomu baarûthire
ntugû îra baithûkîîre Njerusaremu,
rîra baugaga, “Mîomore!
Mîomore mwanka mîcingiini yaayo!”
8 Biû antû ba Mbabironi,
bûrî akubî kwînyangua,
kîthaarimo i kîrî ûra ûkaabûrîia n'ûntû bwa bûra bûtûrûthîîte,
9 ûra akaathûkia twana twenu
na atukanyanie rwaraani rwa iiga.