ꠀꠟ꠆ꠟꠣ ꠙꠣꠇꠞ ꠢꠥꠇꠥꠝꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠎꠞꠔ ꠢꠣꠘ꠆ꠘꠣꠘꠦ (ꠞꠣ꠩) ꠌꠤꠑꠤꠞ ꠀꠇꠣꠞꠦ ꠅꠃ ꠍꠢꠤꠚꠣ ꠟꠦꠈꠍꠂꠘ।

ꠟꠦꠈꠣꠞ ꠇꠣꠟꠅ ꠔꠣꠘ ꠘꠣꠝ ꠘꠣ ꠇꠁꠀ ꠈꠣꠟꠤ ꠢꠃ ꠝꠥꠞꠛ꠆ꠛꠤ ꠇꠁꠀ ꠙꠞꠤꠌꠄ ꠖꠤꠍꠂꠘ।

ꠢꠎꠞꠔ ꠁꠍꠣꠄ ꠖꠥꠘꠤꠀ ꠕꠣꠇꠤ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ꠅꠘꠥꠝꠣꠘ ৫০-৬০ ꠛꠍꠞ ꠛꠣꠖꠦ ꠁꠈꠣꠘ ꠟꠦꠈꠣ ꠅꠁꠍꠦ।

ꠁꠈꠣꠘ ꠅꠁꠟ ꠔꠣꠘ ꠟꠦꠈꠣ ꠔꠤꠘ ꠘꠝ꠆ꠛꠞ ꠌꠤꠑꠤ,

ꠀꠡ꠆ꠔꠣ ꠁꠘ꠆ꠎꠤꠟ ꠡꠞꠤꠚꠞ ꠝꠣꠎꠦ ꠢꠇꠟ ꠕꠣꠇꠤ ꠢꠥꠞꠥ ꠍꠤꠙꠣꠞꠣ।

ꠁ ꠍꠢꠤꠚꠣꠈꠣꠘ ꠉꠃꠍ ꠘꠣꠝꠞ ꠄꠇꠎꠘ ꠝꠥꠝꠤꠘ ꠜꠣꠁꠞ ꠉꠦꠍꠦ ꠟꠦꠈꠍꠂꠘ,

ꠅꠃ ꠜꠣꠁꠄ ꠈꠥꠛ ꠝꠦꠝꠣꠘꠖꠣꠞꠤ ꠇꠞꠔꠣ,

ꠔꠣꠁꠘ ꠄꠇꠎꠘ ꠙꠣꠇ꠆ꠇꠣ ꠁꠝꠣꠘꠖꠣꠞ ꠀꠍꠟꠣ।

ꠀꠞ ꠖꠤꠔ꠆ꠞꠤꠚ ꠘꠣꠝꠦ ꠄꠇ ꠈꠛꠤꠍ ꠛꠦꠐꠣ ꠀꠍꠤꠟ,

ꠢꠦ ꠘꠦꠔꠣꠉꠤꠞꠤ ꠇꠞꠤꠀ ꠎꠝꠣꠔꠞꠦ ꠖꠈꠟ ꠇꠞꠔ ꠌꠣꠁꠍꠦ,

ꠟꠦꠈꠇꠦ ꠔꠣꠞ ꠛꠤꠞꠥꠖ꠆ꠖꠦ ꠢꠥꠡꠤꠀꠞꠤ ꠖꠤꠍꠂꠘ।

ꠅꠃ ꠍꠤꠙꠣꠞꠣꠞ ১১ ꠀꠄꠀꠔꠅ ꠀꠍꠦ,

“ꠎꠦ ꠝꠣꠘꠡꠦ ꠘꠦꠇ ꠇꠣꠝ ꠇꠞꠦ ꠢꠦ ꠅꠁꠟ ꠀꠟ꠆ꠟꠣꠞ ꠛꠘ꠆ꠖꠣ,

ꠀꠞ ꠎꠦꠉꠤꠄ ꠛꠖ ꠇꠣꠝ ꠇꠞꠦ,

ꠢꠦ ꠔ ꠀꠟ꠆ꠟꠣꠞ ꠖꠞꠡꠘ ꠙꠣꠁꠍꠦ ꠘꠣ।”