Ihaate iyi ye ya kavili iyaasimbiilwe nu mutume Pawulo ku vafuuwa va wudzenge wa Tesalonike, umusika pe iikalaga ku Kolindo ngita umwaka gwa makyumi gahaanu nu gumwinga (51), ukuhuma pe iiholwa uYesu Kilisiti.

Lwiwoneka avafuuwa avo vaayudzwaga na madzwi ga figono fya wusililo nu kupiluka kwa Kilisiti. Avafuuwa avangi vaali válekile ukulima amalimo (3:11), pakuva vaahoodzaga ukutigila, uYesu asihaava ukupiluka. Uwugulume wa Pawulo waali wa kuvawulanidza indakyene, ukuta vatanage ukudzangwa. Iivanga ihaate iyo pa kuluhongedza ulukombeso ulu, kangi akuvalapangilila wiimila wa mumuko dzaawo. Iisimiilidza indakyene iya luhigo lwa vahosi pa kigono kye alaapiluka uYesu (1:3-12). Akuvasimbila indakyene iya figono fya wusililo, ukuta vakangadzwage mu lufuuwo lwawo (2:1-17), nde vavedze viipumuswa. Akuvasimiilidza ukutigila, vavalapangililage avatume, ukuta valoleelwage ukuhuma mu wuhosi (3:1-5), kangi avafuuwa avo vaginage ukulima amalimo ukufikila pe alaapiluka uYesu (3:6-15).