Ilan 1

Unimbɔti

Nyɔŋkii Laŋyi

gbɔŋku

KUGBƆMPEEPEEKAAU

Nsan ŋun cáǹ unil nnaaminee

1 Unil un kaa fòol̄ binikpitib saŋkii,

kaa dìŋfī bikpitiŋaliibi tabɔbiliŋ,

kaa tí kpáfí ki kàal̀ nì bibeeliliibee

bí mmɔnneeee!

2 Ama kun tìì an niliu mmɔnnee

di sá ú nīn tɔ́ ti-Dindaan marab,

kí nīn kàaǹ-bi ki dàkafī bi-pu

ŋwiimpu nì kunyeeu.

3 Udaan bí kii busubu bun yú mbun caŋin,

ki lòoǹ ŋyunti ŋun an máaǹ bú lòoǹee ní.

Bu-faati pée sɔ̀m̀ ŋma ní^a.

Tin kamaa udaan ŋáańee bútí-u ní.

4 Ama an kaa bútí binikpitib míǹ báà fiii.

Bíǹ bí kii tifeel tin kubuŋu yòontí ki féeńee ní.

5 Unimbɔti làá dāá sòoǹ kí kpɔ̀ binikpitib bɔti,

bikpitiŋaliibi kaa dāa cáá mpaan

Unimbɔti nib bin sá deedeedambee kansikin.

6 Di sá yii ti-Dindaan nyí deedeedambi sàmbiyaamu,

ama nsan ŋun binikpitib dèe cáǹ ŋkúmin ní.