Ilan 20

Dijajil wimmeem

1 Daafiidi di ŋmàn̄ nlan nee ki tīī bilaŋgaaliibi kpiliu.

2 Ti-Dindaan ń fōō a-wimmeem

dinimbinaamandi yuntiŋu poon.

Jaakɔb Nimbɔtiu u-ba ń wúń a-pu.

3 Ú nyānní u-circir kɔŋkooŋŋun kí dāá tūtuǹ-si,

ú nyānní Siiyɔn jool pu kí dāá jòoń-si.

4 Ú fōō a-saraabi kɔkɔ,

a-saraawɔkaabi mun ń fáatiǹ-u.

5 Ú tīī-si kun fáatì a-pɔbilee,

ní kí yàntī tin a bɔ́ntì kí ŋée ń bútí-si.

6 Ú yàntī tí fàal̀ a-jajil pu,

ní tí fáá sámbu kí nyɔ̄ŋkì ti-Nimbɔtiu,

ti-Dindaan ń tīī-si tin kɔkɔ a yaa bālifèe.

7 Kɔŋkɔnnee, m béè yii ti-Dindaan tìì

ubɔti un ní úǹ u-ba lēēyee dijajil.

Doooo u-circir beel poon ní u fòol̄ u-wimmeem,

ní ki cáá u-pɔŋkpaaŋŋu ki tìì-u ajajikpaan.

8 Biba máká bi-janjatɔrɔkub pu,

ní biba mun máká bi-taamui pu,

ama timbee, ti-Dindaan ti-Nimbɔtiu yindi pu ní ti máká.

9 Bíǹ wunti làá kpú ní bí lítí,

ama timbee, ti làá nīn yú dicancaal ní ki pɔ̄ɔ̄.

10 Ti-Dindaan, tīī ubɔti dijajil,

ti yaa kúuǹ ki yíiń-uee, ú kíí-ti.