Tí jāam̀ ti-Dindaan dijajil din u tīī-tee pu
21
1 Daafiidi di ŋmàn̄ nlan nee ki tīī bilaŋgaaliibi kpiliu.2 Ti-Dindaan, ubɔti bí dipɔɔpindin a-pɔŋŋu pu.
U bí ki fàal̀ dijajil din ní a tīī-uee pu.
3 A tīī-u kun fáatì-uee,
aa fātì a-boon ki tīī tin u bālifì-see.
4 Di sá a fōō-u ní ki bīiǹ u-pu,
a dū sindaariya beefuuliiki ki cíkiǹ-u.
5 U mēē-si yii á tīī-u dimaŋfal ní a tīī-u,
a tīī-u dimaŋfal din kaa cáá dikúntilee.
6 Binib nyɔ́ŋkí-u kun puee a tútuǹ-u,
a tīī-u tinyool nì diyindi.
7 A-biindi bí u-pu kí nīn cá jaanjaan,
ní a nín bí u-cee puee tìì-u mmɔn.
8 Di sá yii ubɔti máká ti-Dindaan pu ní,
ní Yilpu Fɔ́ŋŋŋ Nimbɔtiu neeŋkpaandi ŋúb́-u waa cìŋkī.
9 Ubɔti, a làá cúú a-nannanliibi kɔkɔ,
a kpá kí lántí bin ná-see.
10 A yaa pée páaǹnée,
a làá nàan̄-bi kii kipaai ŋmiŋuee ní.
Ti-Dindaan làá dū-bi kí náĺ u-ŋuul poon,
ní ŋŋmi ń wà-bi múb.
11 A làá céetí bi-naantiibi kitiŋ pu,
ní kí kúntí bi-niboolii binib kansikin.
12 Báà bi yaa dākafì kí ŋá-si tikpitil,
ní ki yaa bɔ́ntì kí já nì saaa, baa làá ŋmā kí ŋá-si tiba.
13 A làá tɔ̄-bi a-piiŋyi,
ní kí yàntī bí sāǹ.
14 Ti-Dindaan, dàkà a-pɔŋkpaaŋŋu.
Ti làá gāā ilan kí nyɔ̄ŋkì-si a-pɔŋŋu pu.