Kpāafìmaan abaal kí tīī ti-Dindaan Ubɔtikpaan
47
1 Koora dicaŋkun yab di gāā nlan nee.2 Anibul kɔkɔ nib, kpāafìmaan abaal,
fáámaan ŋwiliili kí nyɔ̄ŋkì Unimbɔti nì ifaal.
3 Di sá yii ti-Dindaan, Yilpu Fɔ́ŋŋŋ Nimbɔtiu sá kuwambiiu ní.
U sá ubɔtikpaan ní kitiŋ kɔkɔ pu.
4 U sīntì anibul ki ŋá ti-taapu,
u dū atimbun ki ŋá ti-taaŋi taapu.
5 U lēē ti-fakal ki tīī-tia,
kun tìì Jaakɔb un u néeńee mmɔnee.
6 Bi nìn bí ki fátí iwiliili ní Unimbɔti nín jɔ́ḿ Siiyɔn jool pu,
bi bí ki búǹ iyin ní ti-Dindaan nín jɔ́ḿ.
7 Gāāmaan ilan kí nyɔ̄ŋkì Unimbɔti, nyɔ̄ŋkìmaan-u!
Gāāmaan ilan kí nyɔ̄ŋkì ti-bɔtiu, nyɔ̄ŋkìmaan-u!
8 Di sá yii Unimbɔti di sá kitiŋ kɔkɔ bɔtiu.
Gāāmaan ilan in mɔ̄ee kí nyɔ̄ŋkì-u.
9 Unimbɔti di jīǹ atimbun pu dibeel,
Unimbɔti kā u-circir beejal pu.
10 Anibul bɔtibiliŋ kpáfì nì
Abraam Nimbɔtiu nibul.
Di sá yii Unimbɔti di cáá bibɔtiibi
bin wúń kitiŋ puee pu mpɔn.
Úǹ di tɔ́kɔ́ tikɔkɔ pu.