Ilan 54

Unimbɔti, fīī-mi kí nyāntí m-nannanliibi ŋaan

1 Daafiidi di ŋmàn̄ nlan nee ki tīī bilaŋgaaliibi kpiliu. Bi bɔ̀ɔ́ tibati ní ki gà-ŋu. 2 Siifi yab nìn cūtìi tùkū Sayuul yii Daafiidi cūtìi bál̀ bi-cee^a.»

3 Unimbɔti, a-yindi puee, fīī-mi.

Dū a-pɔŋŋu kí sòoǹ m-bɔti kí pɔ̀-mi.

4 Unimbɔti, pīlifì m-wimmeem,

kpòon̄ a-tafal kí pīlifì tibɔti tin nyēeń m-nyɔkɔnee.

5 Binicambi bíi jáà nì mi

ní bin néeń tipɔmbɔtee bíi nyàab̀ kí kpɔ̀-mi.

An nibee kaa dū Unimbɔti ki yíiń tiba.

6 Kpèè, Unimbɔti di sá m-jòońliu,

ti-Dindaan di sá un tíkí-mee.

7 Yàntī bin cɔ́ŋkí-mee kpitii ń gítí bi-pu!

A-baamɔŋyi puee, nàan̄-bi.

8 Ti-Dindaan, m làá ŋá saraabi kí tīī-si nì dipɔbil diba.

M làá nyɔ̄ŋkì a-yindi, di sá yii a ŋān̄.

9 A fīī-mi ki nyántì dinimbinaamandi kamaa poon,

ní m-nimbil ká m-nannanliibi lítitam.