Ilan 130

Dinimbinaamandi poon

130

1 Bi yaa cá Jeerusaleem kí jāam̀ Unimbɔtee ní bi gà nlan nee.

Dinimbinaamandi poonee, m kūuntí ki yíì-si, ti-Dindaan.

2 Ti-Dindaan, pīlifiǹ-mi,

kpòon̄ a-tafal kí pīlifì m-gbaamii.

3 Ti-Dindaan, a yaa bàà ŋmà ti-yìntitam ki yōontée,

ti-Dindaan, ŋma bàà ŋmátí?

4 Ama sii di pūǹ ikpiti,

an pu ní bi máaǹ kí fàŋkì-si.

5 M cɔ́tí ti-Dindaan pu,

m cɔ́tí nì m-naŋki kɔkɔ,

ní ki máká u-nyɔɔbundi pu.

6 M-naŋki fèefī ki nyàab̀ ti-Dindaan

ki jítiǹ sooja un cí sintilee nín là kutaa ń wúntí puee,

ki jítiǹ sooja un cí sintilee nín là kutaa ń wúntí puee.

7 Isirayeel yab, nín̄ mákámaan ti-Dindaan pu,

di sá yii ti-Dindaan cee ní dineeŋkpaandi bí,

u cáá isan tikpil in pu u làá dī kí fīī-see.

8 Úǹ di làá fīī Isirayeel yab

kí nyāntí bi-kpitii poon^a.