Bi ŋá-mi tikpitil, ama...
129
1 Bi yaa cá Jeerusaleem kí jāam̀ Unimbɔtee ní bi gà nlan nee.Bi jáń nì mi ŋfunyɔm kupaau doooo m-naacimpɔntin...
- Isirayeel ń lì yii:
2 «Bi jáń nì mi ŋfunyɔm kupaau doooo m-naacimpɔntin» -,
ama baa ŋúń ki ŋá-mi tiba.
3 M-boon kpántì kii kitiŋee bikpaabi kùn̄ tikpaal,
bi cátì ŋu-pu adan ŋin fɔ̀kɔ̀ee.
4 Ama ti-Dindaan sá deedeedaan,
u tīfì binikpitib kusakai.
5 Bin kɔkɔ ná Siiyɔn tiŋkee,
icoo ń cúú-bi bí gítí bi-boon!
6 Bí nīn bí kii timool tin nyáń kudii yilpueea.
Taa láá wíiǹ ní kí kpā.
7 Kumoou gbanti kaa gbéè un cēē-kùee ŋantil,
kaa bàn̄ un kōontée ń páań u-ŋalii pu.
8 Bisanjitiliibi kaa lì yii:
«Ti-Dindaan ń bīiǹ ni-boon!»
Ti mèé yii ti-Dindaan ń bìin̄ ni-boon u-yindi pu.