Yeereemii 47

Tin ti-Dindaan sòon̄ Fiiliistii yab puee

1 Ti-Dindaan nìn sòon̄ nì u-bɔnaatiliu Yeereemii Fiiliistii yab^a pu. An nìn sá kí wàatī Faaroo ń já nì Gaasaa yabee ní.

2 Ti-Dindaan nín sòon̄ puee sèé:

«Tinyiŋgbaŋkpaandi nyánní ŋgan pú.

Tì kpántì mbuŋkpaan ki gbí ki páaǹ.

Tì gbí ki léeǹ kitiŋee nì tin kɔkɔ bí ki-poonee,

ntimu nì mu-nib pu.

Binib gbáà ibiil ki nyàab̀ dijòońdi,

kitiŋee nib bíi gà ikpiisilan.

3 Bi gbìl̀ itaamu tagbíŋŋi pu.

Janjatɔrɔkub wàkalìń,

bi-taaŋi ŋáań kuwookpaaŋŋu.

Bibaatiibi kaa ti wāĺ bi-biyaamu,

bi-ŋalii kpíì.

4 Di sá yii ŋwiin di bāań bí nàan̄ Fiiliistii yab.

Ubɔ kaa ti bí kí tūtuǹ

Tiir nì Siidɔn timmu.

Án taa kíń báà uniseen.

Ti-Dindaan bíi nàantí Fiiliistii yab kɔkɔ,

bin kíǹ ki bí dimaŋfalin

Kafitoor tiŋki kin nnyim māntìi túee poonee.

5 Gaasaa yab kōol̀ abaakpan!

Asikeelɔn yab ŋmíl̀ fɔ́ŋfɔŋ díkí diki.

Nimbi tijawɔkɔl tin kíǹ kaa kpíìyee,

ni làá nīn cáá njimu ki gífí ni-wunti pu yéè

kí cáá sāā ŋyunti ŋulɔŋu ní?

6 Ni lì yii: <Abàa, ti-Dindaan tàataajiki,

kí cáá sāā ŋyunti ŋulɔŋu ní a làá ŋùŋfì ní?

Kɔ́ a-jitookun!

Kàl̄ niin soooo!>

7 Mana ní kì ŋūǹ kí ŋùŋfì?

Ti-Dindaan tīī-kì mara yii

kí cù áli Asikeelɔn nì tiŋku gbandi.

U nín síiǹ-kì kí ŋá puee dee.»