/Kēētuumēy Yēēsu
2
1 Kiimii :pāytooyiintēē aka nkōō pērēētuusyēchoochēē nyoo kipāytooy kōōroo Rooma nkōō kōōrootin walak chaa chaang'. /Kiikikuurēē pāytooyiintoonoonēē *Kayisaari Akuustō. Kimwooru kilē /kēē-iit piich tōkōl nkōō kōōrootinēēchoochēē. 2 /Kēē-itēy piich nyēpō taay, ku kiipāytooy *:Kirēēnnyō kōōroo Siirya. 3 Kuwō nyuun :chiich aka tōkōl kōōrēēnyiin /pākēē-iit. 4 King'eeta :Chōōsēp Naasareet mu kōōroo Kalilaaya akuwō ākōy Peeteleem mu kōōroo Chuuteeya wōli /kiikunāmchinii Pāytooyiin Tāwuti, nyoo kiipō koong'waang'. 5 Kuwō :Chōōsēp ākōō Maaryaa nyoo kiimārēy siku-āp keepa /kēē-iit. Kiiting'ēy :Maaryaa paanoonēē tuum.
6 Paani kiimii Peeteleem, ku-it pērēētuu Maaryaa nyoo kiituumēy. 7 Kutuum wēēriinyiin nyēpō taay. Kutukō laakwee sirōōy akuumōkōōnchi ng'ērēēp āmu kiimoomii :pārooyin ārii aka tōkōl nyoo kiimuukēy kutēpō.
Malaykeen ākōō mōsōwō choo kiiroong'ēy kēēchiir
8 Kiimii :mōsōwēēk walak lang'atuunoonēē choo kiimii kuriipēy kēēchiirēkwaak nkōō yoo kiilēēkitēē Peeteleem. 9 Kuchōōnchi *:malayiikayaantaa Iriin mōsōwēēchoochēē nkōō lēpooyin. Kuulēpoochi akwaaneek lēpooyinpō Iriin. Kutoowu :mōsōwēēchoochēē kuuwāriisyō nyēpō kwōng'uut. 10 Kumwoochi nyuun *:malayiikayaantaanoonēē kilē, “Moowāriisyō! Ā-āpkook lōkōōy chēpō pāypooyō choo toomō /kēē-āmu pērēētuu aka, aku pō chiich aka tōkōl nkōō ng'wēny tōkōl. 11 /Kaakēētuumwook aniinee mu Peeteleem *Sāruuniin nyoo kyookānyoonuuy. Nyoonēē ku *Meesaaya Kiptaayaantēēng'woong'. 12 Soosōwuu yoo mii :laakwee, āpēētii ānyōōruuy /kaakēētukō sirōōy /ākēēmōkōōnchi ng'ērēēp.”
13 Nyoo matyaan, kurēkuunō kilē weel :lukoo *malaykeen walak kipsēnkwēt akutuuyō ākōō *malayiikayaantaanoonēē :tōkōl kuuloosuuy Iriin. 14 Kiiloosuuy kilē,
“Tōrōōr :Iriin nkōō im.
Mii kuchōōnēy :kaalya ng'wēny kuchōōnchinii piich
choo chāmēy :Iriin.”
15 Kii nēē kaakuwaraka :malaykeenichoochēē kipsēnkwēt, kumwoochikeey :mōsōwēēchoochēē kilē, “Murēchu, keepa Peeteleem keeteera ng'ālyoontooni kaaku-ira nyi kaakumwoorwēēch :Iriin.” 16 Paani kāmwoochi keey :pichoochēē kilēē nyoonēē, kumwēr ākōy wōloonēē, akupa kunyōōru Maaryaa ākōō Chōōsēp akuuro laakwee nyoo mii rwoon ng'ērēēp. 17 Kii nēē ro :mōsōwēēchoochēē laakwee, kumwoochi piich kiyoo kiimwoochi akwaaneek *:malayiikayaantaanoonēē akipō laakwaanoonēē. 18 Kikwōng' :piich tōkōl choo kiteer ng'aleechoochēē kiipō mōsōwēēchoochēē. 19 Kiipkaat :Maaryaa ng'aleechoochēē akunama mēt.
20 Nēē mii lētuun, kuwārākiisyō :mōsōwēēchoochēē kuuloosuuy Iriin akipō lōkōōy choo kiinyōōru akuuro kilēē paani kiimwoochinii *malayiikayaan.
/Kēētēnii Yēēsu kaarin /akeetapaan kupōyiit Iriin
21 Kii nēē it pērēētuu nyēpō sisiit kung'eetee /kēētuumēy laakwaanoonēē, /keemur /ākēētē kaarin. Kii nēē /kaakēēmur, /kēēkuurō Yēēsu, kaarin nyoo kiisip kuutē *:malayiika kutoomō kunam :tuum Maaryaa.
22 Ki-it :pērēētuu nyoo kiimārēy Chōōsēp ākōō Maaryaa ku-ir kōrōsyoon nyoo kiitiliilēē keey kilēē wōli mārtooy :Ng'ātuut chēpō *Muusa. Kuwō :Chōōsēp ākōō Maaryaa kuumut laakwee *Kōpō Iriin nyoo kiimii Chēērusālēēm tākupa kuutāpoonchi Iriin. 23 Kilēē paani siraat nkōō Ng'ātuut chēpō *Muusa kilē, “Laakwa aka tōkōl nyoo lēē kipooreet aku wēērii, /kēētāpoonchinii Iriin.” 24 Kipa :mpō Chōōsēp kupa ku-ir kōrōs kuutētō chēēptuukēēn ārēēny ntā ku tāriit ārēēny choo mēnkēēchēēn kilēē wōli kiimārtooy :Ng'ātuut chēpō *Muusa.
King'ōōrēy :Siimnyōn akipō Yēēsu
25 Nkōō pērēētuusyēchoochēē, ku kiimii :chiich aka nyoo kiimāng'ēy Chēērusālēēm nyoo /kiikikuurēē Siimnyōn. Kii :chiich Siimnyōn nyēpō man, kiiwārēy Iriin akumāng'iisyēy nkōō oor nyoo kiichāmēy :Iriin. /Kikiinyiriit Toomirmiir nyoo Tiliil, akimii kukānyoonuuy /keepa /kēēsāru *Israayeel. 26 Kiikiikung'uuti :Toomirmiir nyoo Tiliil kilē māmēērēy :inyeentee kutoomō kuuro *Meesaaya nyoo kiiyoomiis :Iriin.
27 Kii-ir :Toomirmiir nyoo Tiliil Siimnyōn kuwō *Kōpō Iriin paani kiimutēy :Chōōsēp ākōō Maaryaa Yēēsu *Kōpō Iriin /keepa /kēē-irchi kōrōs kilēē wōloo kiimwoortooy :ng'ātuutēkwaak. 28 Kunam :Siimnyōn laakwee akumwoochi Iriin kōōnkēy. Kumwa kilē,
29 “Kiptaayaanteenyuun Iriin,
mpō taameer :aneen aniinee, kumoomii ng'ālyoon,
āmu kii-ir kilēē paani kiiyoomiisoon.
30 Kaaroo :aneen *Sāruuniin
31 nyoo kiichēp ing'uuti piich tōkōl.
32 Inyeentee nyoo lēkuuy lēpooyinpō kōōrootin tōkōl,
aku-ir piich tōkōl chēpō *Israayeel /kēēkoonyit.”
33 Kukwōng' :Chōōsēp ākōō Maaryaa nkōō ng'aleechu kiimwa :Siinyōn akipō Yēēsu. 34 Kuupēēruur :Siimnyōn akwaaneek tōkōl akumwoochi Maaryaa kilē, “Kaakulēwēn :Iriin laakwaani kusāru piich chaa chaang' chēpō *Israayeel aku-ir piich walak kupētyō. Ng'uutuuy kaamuukaa Iriin nkōō *Israayeel, akukwiintoonēy :piich chaa chaang' akipō inyeentee. 35 Ku nyuun, ng'uutuuy keey :kiyoo pkootēy pichoochēē. Aku nyuun, ng'woonchiniinyēēn Maaryaa tukuchoochēē iriisōōt kilēē yoo /kakupareeniin chōōk.”
King'ōōrēy :Aana akipō Yēēsu
36 Kiimii :cheepyoosee aka *Kōpō Iriin pērēētuunoonēē nyoo /kiikikuurēē Aana, akii *ōōrkooyoontoo Iriin. Kii chēpō poontēē aka nyoo /kiikikuurēē Pānwēēl nyoo kiipō kōpō Āsyēēri. Kiikiikuroosiit :cheepyoosoonoonēē. Kii nēē /ku-āp cheepyoosoonoonēē kēnyiis tisap kima saanteenyiin. 37 Paani /kuumutēy Yēēsu *Kōpō Iriin, ku kiiting'ēy cheepyoosoonoonēē kēnyiis tāmānwook sisiit nkōō ang'wan. Kitēpō :cheepyoosoonoonēē *Kōpō Iriin kusooyēy akuurukuutēy keey, pērēēt ākōō lang'a. 38 Ku-itu :inyeentee kimii :Siimnyōn kung'āloolchinii Maaryaa ākōō Chōōsēp. Kumwoochi :mpō inyeentee Iriin kōōnkēy akumwoochi piich tōkōl choo kiimii kukānyoonuuy kusāru :Iriin Chēērusālēēm akipō laakwaanoonēē.
39 Kii nēē waang' :Chōōsēp ākōō Maaryaa ku-irēy kiyoo kiimārēy :ng'ātuut chēpō Kiptaayaan, kuwārākiisyō katang'waang' Naasareet mu kōōroo Kalilaaya. 40 Kinara :Yēēsu wōloonēē pō Naasareet ākōy ku-ōōwiit, kung'oromiit akuupēēruur Iriin.
Kiiwō :Yēēsu Kōpō Iriin kiting'ēy kēnyiis taman nkōō ārēēny
41 Nkōō kēny aka tōkōl, ku kiipēētii :sikiipō Yēēsu Chēērusālēēm kipa ku-āmēy *Pasaka. 42 Kiting'ēy :Yēēsu kēnyiis taman nkōō ārēēny, kuwō tuumoonēē pō *Pasaka ākōō sikiichiich.
43 Kii nēē rook :tuumoonēē pō *Pasaka, kuwārākiisyō :Maaryaa ākōō Chōōsēp kaaw. Paani mii kuwārākēē kaaw, kimaakusōwu kilē kiing'ētuunō :Yēēsu Chēērusālēēm. 44 Kiipkootēy kilē mii :Yēēsu kuwēētii nkōō tilyayiikwaak ākōō choorweeyiikwaak. Nēē mii kosoliny, kutoowu :Chōōsēp ākōō Maaryaa kuwas wōli mii :choorweeyiikwaak ākōō tilyay. 45 Kimaakunyōōru, kuwārākiisyō ākōy Chēērusālēēm kipa kuwasaata.
46 Kuwasaata, nēē mii pērēētuu nyēpō sōmōk kunyōōrchi *Kōpō Iriin ku-āmēy lōkōōy nkōō koonēēt chēpō ng'ātuut. 47 Kikwōng' :chiich aka tōkōl nyoo kiiteer wōloo kiwāltooy :Yēēsu tēēpuut nkōō oor nyaa karaam. 48 Paani keero :Chōōsēp ākōō Maaryaa Yēēsu kikwōng'yō akuteep :Maaryaa Yēēsu kilē, “Wēēriinyuun, āmu nee tee-irweech ng'al choo tēēnō chu? Kaakuu-iim keey :āpoong'uung' ākōō aneen kēēwāsiin.” 49 Kuwālchi :Yēēsu kilē, “Āmu nee saawasaataan? Kāmoonkēt :akwaan kilē maraat āmii kōpō Apoonyuun?”
50 Kii nēē mwa :Yēēsu kilēē nyoonēē, kumoosōwu :Chōōsēp ākōō Maaryaa kiyi kiimii kumwoorēy. 51 Nēē ityō, kuwō :Yēēsu nkōō akwaaneek Naasareet. Kinama :Maaryaa ng'aleechoochēē mēt akutas taay :Yēēsu kuukoonyit sikiichiich.
52 Kitas taay :Yēēsu kunar, ku-ōōwiit akung'oromiit. Kiicham :Iriin akicham mpō :piich.