Lōkōōy choo kāroomēēn kilēē wōloo kiisirta
:CHOWAANA
Taayuu
Siriintēē ākōō paani /kiikusirēy Kiisirēy kooyooytooyiintēē :Chowaana lōkōōyichu kāroomēēn. Muukēēy kilē kiisir mu Ēpēēsō king'eeta kēēnyii nyēpō 90-96 king'eeta /keenam :Yēēsu. Kiisir :Chowaana kiyoo kiiro āmu kiimii ākōō Yēēsu.
Kiyoo mii kiitapuuni: Kutuup keey nkōō wōloo mwoortooy :inyeentee ku kiimwa kilē kiisir ng'aleechu “Saarana kilē *Meesaaya :Yēēsu aku Wēēroo Iriin aku nēē ātiirēē keey ānyōōru *sopoon nyēpō ākōy” (20:31). Toowuuy :kiitapuu kumwooruuy kilē Yēēsu ku ng'ālyoon, nyoo kiimii kitoomō /kee-ir kir aka tōkōl. Kutuup keey nkōō nyoonēē kung'uutu :Chōwaana kwōng'uut choo kii-ir :Yēēsu ākōō wōloo kiipuurtō keey nkōō kāāntōōy chēpō Yāwuutik choo kiimēērānēy. King'eetee kurkat nyēpō 13 ākōy nyēpō 17 ku mwooruuy tilyaantii Yēēsu ākōō kiineetanichiich ākōō ng'aleechu kiimwoochi akwaaneek lang'atuuni /kiikunāmēy inyeentee /akeerat.
Lōkōōyichiich: Kung'uutuuy :Mataayo Yēēsu kilēē sāruuniintēē nyēpō Yāwuutik, akung'uutu :Maarkō inyeentee kilēē kipāyityoontoo Iriin kung'uutu :Luuka kilēē chiich, kuunyiriitēy kuut :Chowaana kilē kii choonēē :Yēēsu kaa Iriin akii itōōn nyēpō Iriin mu kir aka tōkōl. /Kuupoorunēē Yēēsu tukun choo /kii-ēēlēy koong', tukuuchu ku choolēē: lēpooyin, makatyaan, pēr, koopoor, mēsōwoon, sapiipu, man, choomnyoot ākōō walak chaa chaang'. Mārēy :Chōwaana kutuupteera kiyoo /kaakēēmwooru mu lōkōōy walak choo kāroomēēn, nkanyi kātāsi tukun walak chaa chaang' choo maamwooru :siriik walak. Maamārēy :Chowaana ku-ōōchi keey kitya kiyoo kaakumwooru walak. Chowaana 3:16 kumwooruuy lōkōōy choo kāroomēēn mu nwookin kilē: “Kiicham :Iriin ng'wēny kitya ākōy kukōōnu Wēēriinyiin nyoo kii lēē ākoong'o kipaat, simāpēt :chiich aka tōkōl nyoo rānēy wēēroonēē aku tākunyōōru *sopoon nyēpō ākōy.”
Tatwee
Lōkōōy chēpō taay: Yēēsu ku ng'ālyoontoo Iriin (1:1-18)
Koonēētiisyoo Koopootiisāniin Chowaana (1:19-34)
Kiilēwēn :Yēēsu kiineetanichiich chēpō taay (1:35-51)
Pāyiisyoo Yēēsu mu Chēērusālēēm ākōō Kōōroo Kalilaaya (2:1—11:57)
Wiikii Yēēsu nyēpō lēt (12:1—19:42)
Kiing'ēētēē :Yēēsu meerat akung'uuti keey choo kiikuuran inyeentee (20:1-31)
Lōkōōy chēpō lēt: Kuu-ōōkuuy :Yēēsu Pēētērō kilēku *kooyooytooyiinteenyiin (21:1-25)