5 Paani kiipāytooy *:Ērōōtē kōōroo Chuuteeya tōkōl, ku kimii *tisiintēē aka nyoo /kiikikuurēē Sakaryaa nyoo kiichōōnēē kōpō *tisiik nyoo /kiikikuurēē Apiiya. Kiiting'ēy cheepyooseenyiin nyoo /kiikikuurēē Ēlisāpēēt nyoo kiipō kaa *Aaron. 6 Kiikoontyitēy :tōkōl Iriin akuukoonyitēy ng'ātuut tōkōl kilēē wōloo mārtooy :Iriin. 7 Kiikiikuyōōsiituuy :tōkōl akiitoomō kunyōōru laakōōy, āmu kii sōōn :Ēlisāpēēt.

8 Nēē mii pērēētuu aka, ku kiimii :Sakaryaa kupāyiisyēy mu *Kōpō Iriin kilēē tisiin āmu kii koong'waang' nyi kiipāyiisyēy pērēētuunoonēē. 9 /Keekwar inyeentee mu istoor pō *sēkēēr, āmu kii *:tis chu kiilēwēnēy chiich nyoo irēy pāyit mu *Kōpō Iriin. Kuchuut nyuun *Kōpō Iriin wōloo kiichuutēy *tisiik ākityōōn akuwō kupeel tukun choo ng'uutooy nyaa anyiny. 10 Paani kiimii ku-irēy kilēē nyoonēē, kimii :piich tōkōl saang' kusooyēy.

11 Kichōōnchi Sakaryaa *:malayiikayaantaa Iriin kitākumii kō, akuuryoong'ō kaapkōrōs kamaspō taay yoo kiimii :Sakaryaa kupēēlēē tukuuchoochēē ng'uutuuy nyaa anyiny. 12 Kii nēē ro :Sakaryaa, kwootyō akuwāriisyō. 13 Kumwoochi nyuun *:malayiikayaantaanoonēē Sakaryaa kilē, “Sakaryaa, mēēwāriisyō! Kaakuteer :Iriin soowuutēkuuk. Kunyuun, nāmēy :cheepyooseeng'uung' laakwa nyoo lēē wēērii ākiikuurēē laakwaanoonēē Chowaana. 14 Ipāypāyiituuy akupāypāyiituuy piich chaa chaang' nēē /kituum laakwaanoonēē. 15 Lēkuuy :Chowaana chiich nyoo tōrōōr nkōō taayuu Iriin. Mārēēy *tiipaay ntā ku kir aka tōkōl nyoo irēy chiich kipōōkit. Nyiriitēy :Iriin Toomirmiir nyoo Tiliil kutākumii moopō eeyeenyiin. 16 Irēy piich chēpō *Israayeel chaa chaang' kuwāliisyō akicham Kiptaayaan Iriinteeng'waang'. 17 Sip kuuntōrōōrtēērēē :inyeentee Kiptaayaan nkōō kaamuuka nyoo lēē nyēpō *Eliicha. Wālēy paapatiin kuchoomnyō ākōō laakōōkwaak. Irēy piich choo mātēērēy ng'al kuteer ng'al chēpō man choo tuupēy :piich choo kāroomēēn. Aku-ir piich kuchēp keey sikunyōōru :Kiptaayaan kuchēpootēēn.” 18 Nkōō yoonēē, kumwoochi :Sakaryaa *malayiikayaantaanoonēē kilē, “Āsōwuuntooy ānō kilē man :ng'aleechu? Kyaayoosiitu ākōō cheepyooseenyuun.” 19 Kuwālchi *:malayiikayaantaanoonēē kilē, “Aneen ku Kaapuryēēl, nyoo ting'ēy kaamuuka kung'eetee wōloo mii :Iriin. /Kākiiyookwoon āchoomwooruun lōkōōyichu kāroomēēn. 20 Iriisōōt :ng'aleechu nkōō pērēētuu nyoo kiikulēwēn :Iriin. Akunyuun oo, āmu meeran kiyoo koomwooruun, ku nāmēē :kuutiing'uung' nyoo mēēng'āloolēy ākōy pērēētuunoonēē.”

21 Kiikānyiisyō :piich choo kiimii saang' ākōy kilē, “Ara kārēēm nee Sakaryaa aniinee?” 22 Paani kāwō kuchō saang', ku kiikiikunama :kuut nyoo kimēēmuukēy kuti kung'alaal. King'āloolchiinēē piich ēēruun kipaat. Kusōwu :piich kilē kiiro :Sakaryaa ng'ālyoon nyēpō kwōng'uut nkōō *Kōpō Iriin.

23 Kitas taay :Sakaryaa kupāyiisyō nkōō *Kōpō Iriin ākōy kurook :saayitiinyiin nyi kiikimārēy kupāyiisyō. Nēē mii lētuun, kuwēēchi keey kaaw. 24-25 Nyoo matyaan, kimanak :Ēlisāpēēt. Kii nēē kaakumanak, kuwung'chi keey kō āroo choo lēē muut, akimwa kilē, “Kaakuriireenaan :Iriin ākōy ānyōōru laakwa, kir nyoo kiikiikuureeng'an :piich.”

26 Nkōō araawee nyēpō lo kung'eetee kimanak :Ēlisāpēēt, kuuyooytō :Iriin *malayiikayaantee aka nyoo /kiikikuurēē Kaapuryēēl kuwō ākōy māng'oot nyoo kiimii kōōroo Kalilaaya nyoo /kiikikuurēē Naasareet. 27 Kiimii :chēēto aka wōloonēē nyoo kiitoomō kimar :murēnō. /Kiikikuurēē chēēpoonēē Maaryaa. Kiimii :chēēpi kumārēy keey nkōō chiich aka nyoo /kiikikuurēē Chōōsēp nyoo kichōōnēē kōpō Pāytooyiin Tāwuti.

28 Kii nēē it *:malayiikayaantaanoonēē wōliinēē, kuwō ākōy yoo kiimii Maaryaa akumwoochi kilē, “Cham keey Maaryaa! Ipēēruuroot akimii :Iriin kupootēēn.” 29 Kipēti :Maaryaa kiyoo mwooruuy paani kateer ng'aleechoochēē. Kiteep keey inyeentee kilē, “Ng'uutuuy nee :ng'aleechu?” 30 Kumwoochi *:malayiika Maaryaa kilē, “Mēēwāriisyō! Ipēēruuroot nkōō wōloo mii :Iriin! 31 Kunyuun, imānākēy akiinam laakwa nyoo lēē wēērii ākiikuurēē laakwaanoonēē Yēēsu. 32 Lēkuuy chiich nyoo ōōw, /ākēēkuurō Wēēroo Iriin nyoo Tōrōōr. Irēy :Iriin kilēku Pāytooyiin kilēē kuukōnyiin Tāwuti. 33 Pāytooy piich chēpō *Israayeel nkōō kēnyiis choo mātiliisyēy ākōy.” 34 Kuteepa :Maaryaa *malayiikayaantaanoonēē kilē, “Āmuukēy ānyōōru laakwa kilē nee akutoomō āru nkōō :murēn aka tōkōl?” 35 Kuwālchi *:malayiikayaantaanoonēē kilē, “Chōōnchiniin :Toomirmiir nyoo Tiliil akuulaampuusin :kaamuuka nyēpō Iriin. /Kukuurēē nyuun laakwaani iwēēnāmēy Wēēroo Iriin. 36 Aku nyuun oo, kiikimanak :tilyeeng'woong' Ēlisāpēēt, cheepyoosoonoonēē kiikuyoosiit. Ting'ēy tuum nyēpō āroo lo akunāmēy laakwa nyoo lēē wēērii, mpō tāmwoorēy :piich kilē maakunāmēy laakwa. 37 Moomii :kir nyoo mēēmuukēē nkōō wōloo mii :Iriin.” 38 Kumwoochi :Maaryaa kilē, “Aneen kipāyityoontoo Kiptaayaan. Kanya ku-ira kilēē wōloo keemwaarta.” Paani keewaang' :Maaryaa kumwoorēy kilēē nyoonēē, kuwēēchi keey *:malayiikayaantaanoonēē.

39-40 Nēē mii lētuun, kinam paan :Maaryaa kilē weel ākōy kaa Sakaryaa nyoo mii māng'oot aka nkōō kōōroo Chuuteeya. Kuwō kaa Sakaryaa kuutaakwees Ēlisāpēēt. 41 Paani keetaakwees :Maaryaa Ēlisāpēēt, kupiirēn :laakwee nkōō moopō Ēlisāpēēt. Kuunyiriit :Iriin Ēlisāpēēt Toomirmiiryeenyiin aku-ir 42 kumwoochi Maaryaa nkōō kuut nyoo tōrōōr kilē, “Ipēēruuroot kusiir chēēpyōōsōōy tōkōl akuupēēruuroot :laakwee nyoo ināmēy. 43 Pō koonyit, nyaa tyaan kuchō :eeyaa Kiptaayaanteenyuun kuurootān. 44 Paani keetaakweesaan, kupiirēn :laakwee nkōō moonyuun nkōō pāypooyō. 45 Ipēēruuroot :inyēēn nyoo kiiran kilē irēē man kiyoo kiikumwooru :Iriin.”

46 Kuuloosu :Maaryaa Iriin kilē,

57 Kunyuun, kii nēē it :pērēētuu nyoo tuumēy :Ēlisāpēēt, Kutuum laakwa nyoo lēē wēērii. 58 Kuteer :piich chēpō kōōkwoonoonēē ākōō tilyayiikwaak kilē kiikuriirēē :Iriin Ēlisāpēēt kwōng'uut. Kupāypāyiituuy tōkōl nkōō inyeentee.

59 Paani kiiting'ēy :laakwaanoonēē pērēētuus sisiit kung'eetee /kēētuumēy, kupa :piich kumur wēēroonēē. Kiimārēy :pichoochēē kilē ntā /kukuurtoorō laakwaanoonēē kaarinaa apoonyiin kilē Sakaryaa. 60 Kitay nyuun :eeyeenyiin akimwa kilē, “/Kukuurēē Chowaana.” 61 Kuteep :piich kilē, “Kēēlē nee? Nku moomii :chiich koong'woong' nyoo /kikuurēē kaarinaanoonēē!”

62 /Keeteepa Sakaryaa /kēēng'āloolchinō ēēruun kumwooru kilē /kikuurēē ng'oo laakwee. 63 Kumwoochi :Sakaryaa piich kuutē inyeentee kir nyoo kisirēy. Paani /kākuutē, kisir kilē, “Kaarineenyiin ku Chowaana!” Kikwōng'yō :piich akipō kaarinaanoonēē. 64 Kutoowu :Sakaryaa kung'alaal akuuloosu Iriin.

65 Kiikwōng'yō :piichiich chēpō saang' paani keero ng'aleechoochēē. /Kiikyaamtaata ng'aleechoochēē kuyāmu tulwēyiipō kōōroo Chuuteeya. 66 Kyaam :ng'aleechoochēē mēt chiich aka tōkōl nyoo kiteer akuteepa keey kilē, “Ara chōōnēy kilēkuuy nee :laakwaani?” Kiimwa kilēē nyoonēē āmu kiitookuunoot kilē mii :Iriin kupootō laakwaanoonēē.

67 Nēē mii lētuun, kuunyiriit :Iriin Sakaryaa Toomirmiiryeenyiin. Kutoowu :Sakaryaa kung'alaal ng'ālyoontoo Iriin kumwoorēy kilē:

76 Inyēēn, laakweenyuun,

77 Iwēēmwoochinii piichiich kusōwu kilē muukēē /kēēsāru,

80 Kinar :Chowaana nkōō pōōr akuutō :Toomirmiir nyoo Tiliil kaamuuka nyēpō kwōng'uut. Kimang' suur kwēēn ākōy pērēētuu nyoo kiichō kung'uuti keey piich chēpō *Israayeel.