2 Nēē mii pērēētuu aka, kimii :pichoochēē tōkōl kuuloosuuy Iriin akuurukuutēy keey, kumwoochi :Toomirmiir nyoo Tiliil kupunuunō chiitō aka kilē, “Ātāpoonwoon Parnapa ākōō Sāwulō ku-ir pāyiisyēē nyoo kookuurchi akwaaneek ku-ir.” 3 Kii nēē mii :pichoochēē kuurukuutēy keey akusooyēy, kuukonoor Parnapa ākōō Sāwulō ēēruunēkwaak akuuyooytō.

4 Kiiyooytō :Toomirmiir nyoo Tiliil Parnapa ākōō Sāwulō, kupa wōloo /kiikikuurēē Sēlēwukiiya. Kii nēē it Sēlēwukiiya, kupeera mēēli ākōy Kuprō. 5 Paani kayit yoo /kiikikuurēē Salaami nkōō Kuprō, ku-amta ng'ālyoontoo Iriin nkōō sinakōōkiin chēpō Yāwuutik. Kiipēētootēy ākōō Chowaana (Maarkō) nyoo kiitoorētootēy akwaaneek.

6 Kimanaateera :akwaaneek kōōroonoonēē pō Kuprō tōkōl ākōy ku-it yoo /kiikikuurēē Papōōs. Kinyōōrchi wōloonēē Yāwuutyoontēē aka nyoo kii-irēy kwōng'uut akii-irtooy keey kilē kii *ōōrkooyoontoo Iriin :inyeentee. /Kiikikuurēē chiichoonēē Par-yēēsu. 7 Kiitoorētēy :chiichi pāytooyiintoo kōōroonoonēē nyoo /kiikikuurēē Sērkiiyō Paawulōōs. Kii chiich :Sērkiiyō nyoo kiing'oroom. Kiiyooytō :Sērkiiyō keepa /kēēkuurchi Parnapa ākōō Sāwulō āmu kiimārēy kuteer ng'ālyoontoo Iriin. 8 /Kiikikuurēē chiichoonēē Eeliimaas nyoo ng'uutuuy kilē chēēpng'ōōrēy. Kikarta :Eeliimaas Parnapa ākōō Sāwulō akuutyam ku-eel koong' pāytooyiintoonoonēē kilē simeeran Yēēsu. 9 /Kiikuunyiriit Sāwulō nyoo /kiikikuurēē nkōō kaarinee aka Paawulō Toomirmiir nyoo Tiliil. Kuuchiirchi koong' nyuun :Sāwulō Eeliimaas 10 akimwoochi kilē, “Ipō :inyēēn *Syeetaani, aku :inyēēn puunyoon nkōō wōloo mii :kir aka tōkōl nyēpō man. Imēlmēēliisyēy ityāmēy iwālēy ng'alēēpō Iriin chēpō man kilēku ng'uurnan. 11 Kōōniin nyuun :Iriin siitēt akiikōrēy nyoo mēērōōtēy lēpooyin aka tōkōl nkōō pēērēētuus.” Paani keewaang' mpō :Sāwulō kumwoochinii chiichoonēē kilēē nyoonēē, kuulaampuus chiichoonēē :kipuurēēt ākōō tuurin. Kutoomtoomēnootō kilē ntā nyōōru chiich nyoo nāmēy ēēr sikuurēētō. 12 Paani keero :pāytooyiintoonoonēē kiyoo kii-ira nkōō wōloo mii Eeliimaas, kuuran ng'ālyoontoo Iriin, akikwōng' nkōō koonēētuut chēpō Kiptaayaan.

13 Nēē mii yoonēē, kung'eetee :Paawulō ākōō choorwayiichiich Papōōs akupeera mēēli. Kupa Peerka nkōō kōōroo Pampulya. Nee it wōloonēē pō Pampulya, kimētō :Chowaana akwaaneek akuwaraka kuwō Chēērusālēēm. 14 Paani kapeera :akwaaneek Peerka, kupa Antyookya nyēpō Pisiitya. Nēē mii pērēētuu *Sapaato, kuchuut *sinakōōki akutēpi ng'wēny. 15 /Keesooman lōkōōy choo mii kitaapuu ng'ātuut chēpō *Muusa ākōō kitaapuu *ōōrkooy. Paani /kēēwoonyō soomanee, kumwoochi :piich choo kiiryoonchinii sinakōōkiinoonēē chiich aka kuwō kuteep Paawulō ākōō Parnapa nēē tākuting'ēy ng'ālyoon nyoo chēērēē piich.

16 Kung'eet :Paawulō aku-āp ēēruunyiin parak akimwoochi kusiisyō. Nēē ityō, kumwoochi piich kilē, “Pichu pō *Israayeel ākōō akwaan choo kyaatuup ātēpuut chēpō Yāwuutik, āyāpchii iit ng'aleechu. 17 Kiilēwēn :Iriintoo *Israayeel paapatiinēchooch aku-ir kilēku piich choo ēēchēēn nkōō pērēētuusyēchoochēē kitākumii Miisiri. Kiimutu :Iriin inyeentee pichoochēē kupkaana Miisiri nkōō kaamuukeenyiin nyoo tōrōōr. 18 Kiimurtoochi :Iriin pichoochēē kimii suur kwēēn nkōō kēnyiis artam. 19 Kiiluluuk :Iriin kōōrootin choo lēē tisap choo kiimii Kaanan akuutō piich chēpō *Israayeel kōōrootinēēchoochēē. 20 Kyoop :ng'aleechoochēē tōkōl kēnyiis pokol ang'wan nkōō konom.

Kii nēē woonyō :kēnyiisyēchoochēē, kuutē :Iriin kiirwook choo kiitilēy ng'al nkōō kōōk kipāyu akwaaneek. Kipāyu :pichoochēē ākōy kuchō kuukeer *:ōōrkooyoontēē Sāmwēēl. 21 Paani kapa kusoom :piich kilē /kēētē pāytooyiinteeng'waang', kuutē :Iriin pichoochēē Sāwulō wēēroo Kiis, nyoo kiipayta kēnyiis artam. Kiichōōnēē :Sāwulō kō pō mpō Peenchaman. 22 Kii nēē naayteeree :Iriin Sāwulō nkōō pāyuunāt, ku-ir Tāwuti kilēku pāytooyiinteeng'waang'. King'alaala :Iriin Tāwuti kilē, ‘Koolēwēn Tāwuti wēēroo Yēēsi āmu chiich nyoo chāmēy :moonyuun, aku chiich nyoo muukēy ku-ir kir aka tōkōl kilēē wōloo āmārtooy.’ 23 Ki-ir :Iriin kuchō Yēēsu nyēpō kō pō Tāwuti *Israayeel kuchō kusārwēēch kilēē paani /kiikiiyoomiisēēch. 24 Kiisip ku-āmchi :Chowaana piich chēpō *Israayeel kutoomō kuchō :Yēēsu kilē kuwāliisyō :piich tōkōl nkōō ng'ōōkiikwaak /akeepaatiisan. 25 Kimii :Chowaana kuuwoong'ootēy pāyiisyēēnyiin, kumwoochi piich kilē, ‘Āpkootēy kilē :aneen ng'oo? Maaneen inyeentee nyoo ākānyēy :akwaan. Chōōnēy :inyeentee lētuun amāyāmēy mpō ālēku kipāyityoontēēnyiin.’ ”

26 Kitas taay :Paawulō kumwa kilē, “Pichu pō *Israayeel, siintaar chēpō *Apraam ākōō akwaan choo kyaatuup ātēpuut chēpō Yāwuutik, achaan chu /kākuuyookwēēch lōkōōyichu pō sāruunō. 27 Kiimaasōwu :piich chēpō Chēērusālēēm ākōō pāytooyikwaak kilē kii *Meesaaya :Yēēsu. Kiitēērēy /kēēsōōmānchinii ng'al chēpō *ōōrkooy pērēētuu aka tōkōl nyēpō *Sapaato aku moosōwu nyuun. Ki-ir :akwaaneek kilēē wōloo kiing'oorta *:ōōrkooyik akutil /keekeet Yēēsu. 28 Mpō ntā kiimoomii :lēēluut nyoo kiinyōōrchi :pichoochēē Yēēsu /sikēētilchi /keekeet, ku kiimwoochi *Pilaato kutilchi /keekeet. 29 Paani keewaang' :akwaaneek ku-irchi Yēēsu kir aka tōkōl kilēē wōloo kiimwoortooy :siruut, keepa /kēērēēkunō kuchōōnō kimurtooyoon /akeepa keekonoor kēpēn. 30 Wōloo nyuun, kuung'eeta :Iriin Yēēsu meerat. 31 King'uuti keey :Yēēsu piich nkōō pērēētuus chaa chaang' choo kipēētootēy tōkōl kung'eetee Kalilaaya ākōy Chēērusālēēm. Pichoochēē choo mii ku-āmchinootēy piich lōkōōy akipō Yēēsu. 32-33 Kimii yēēnyi kēē-āmwook lōkōōy choo kāroomēēn kilē kaaku-irweech :Iriin kilēē paani kiiyoomiis paapatiinēchooch. Kiikuuyookwēēch :Iriin Yēēsu kilēē wōloo /kiikusirta nkōō kitaapuu Tuumwēy chēpō Kāāloosunō kurkee nyēpō ārēēny nyoo mwoorēy kilē,

38 “Kunyuun oo, choo kituupchō, āyāpchii iit ng'aleechu. Āmārēy āmwoorwook kilē /kunyōōwook kaat ng'ōōkiikwook kupunuunō Yēēsu. 39 Chiich aka tōkōl nyoo keeran Yēēsu, /kēēnyōōchinii kaat akilēku :nyoo *lipoop nkōō taayuu Iriin, kir nyoo mēēmuukēē ku-ir :ng'ātuut chēpō *Muusa.”

40 Kitas taay :Paawulō kumwa kilē, “Āriip keey kiyoo kiikung'oor *:ōōrkooy chēpō Iriin sumānyōōrwook ng'aleechu:

42 Paani kiimii :Paawulō ākōō Parnapa kupēērēē *sinakōōki, kumwoochi :piich kilē, “Apkaan pērēētuu aka nyēpō *Sapaato nyoo lēē nyēēnyi nyoo chōōnēy soopoo-āmwēēch ng'aleechu.”

43 Paani kaakupēēchi keey :piich nkōō tuuyoot, kutuup :Yāwuutik chaa chaang' ākōō piich walak choo kii mā Yāwuutik akiikucham ātēpuut chēpō Yāwuutik. King'āloolchi :Paawulō ākōō Parnapa pichoochēē tōkōl akicheer akwaaneek kitas taay kutēpi kilēē wōloo mārtooy :Iriin nkōō choomnyēēnyiin.

44 Kii nēē it :pērēētuu *Sapaato nyoo kiituupēy nyiinō aka, kuururuuk keey :piich chaa chaang' chēpō Antyookya akupa kuteer ng'ālyoontoo Iriin. 45 Paani keero :Yāwuutik pichoochēē kii chaang', kung'woonchi :moo. Kung'alaala nyaa ra kiyoo kiimii kimwoorēy :Paawulō. 46 Kumwoochi nyuun :Paawulō ākōō Parnapa pichoochēē nyoo maawar kilē, “Kiirookēē /kēēsip kēēmwoorwook Yāwuutik lōkōōyichu kāroomēēn pō Iriin kupōk. Kunyuun oo, kilēē paani kaatay akaaroo keey kilē mānyoolchinook *sopoon nyēpō ākōy, ku /kākimētook nyuun akeepa wōloo mii :piich choo mā Yāwuutik. 47 Āmwoorēy kilēē nyoonēē āmu kiimwooru :Iriin kilē,

48 Kii nēē teer :piich choo kiimālēē Yāwuutik ng'aleechoochēē kiipō Paawulō, kupāypāyiituuy, akuukoonyit ng'ālyoontoo Iriin. Kiiran :piich tōkōl choo /kiikulēwēn kunyōōru *sopoon nyēpō ākōy. 49 Kiyāmu :ng'ālyoontoo Iriin kōōroonoonēē tōkōl. 50 King'am :Yāwuutik chēēpyōōsōōy choo kiitookuunootēēn choo kiikiikutuup ātēpuut chēpō Yāwuut akung'am mpō pooy choo kiitookuunootēēn nkōō Antyookya. Kimwoochi :Yāwuutichoochēē piich kuung'eet riiri akipō Paawulō ākōō Parnapa /takee-oon nkōō kōōroonoonēē. 51 Kuparta :Paawulō ākōō Parnapa tēērit nkōō kēēlyēēkwaak akupēēchi keey Ikoonnya. 52 Kiipāypāyiituuy :tuupiipō Yēēsu mu Antyookya /akeenyiriit Toomirmiir nyoo Tiliil.