23
1 Kuuro :Paawulō pichoochēē akimwoochi kilē, “Murēchu, moomii yoo rālaa :moo, āmu ākōy aniinee, ku ānkēt kilē kyaa-ir kir aka tōkōl nkōō sopoontanyuun kilēē wōloo mārtooy :Iriin.” 2 Paani kāmwooru :Paawulō kilēē nyoonēē, kumwoochi :Ananiiya, *Tisiintēē nyoo Ōōw piich choo kiilēēkitēē Paawulō kilē kuurapaak Paawulō kuut. 3 Kumwoochi :Paawulō Ananiiya kilē, “Rāpookiin :Iriin inyēēn nyoo i-irtooy keey kilē itiliil nkōō saang' aku puunyoon moong'uung'. Itēpēē yoonēē akiirwookoon kilēē wōloo mwoortooy :ng'ātuut akiiputēy ng'ātuut paani imwoorēy kilē /keerapaakaa.” 4 Kumwoochi :piich choo kiimii yoonēē Paawulō kilē, “Mēēwārēy mpō imwaa tukun chaa raacheen akipō *Tisiin nyoo Ōōw nyēpō Iriin?” 5 Kuwālchi :Paawulō kilē, “Murēchu, kāmoonkēt :aneen kilē koo *Tisiin nyoo Ōōw āmu mwoorēy :siruut kilē, ‘Meeng'alaal ng'ālyoon nyaa ra akipō pāytooyiintoo piikuuk.’† ”6 Kii nēē sōwu :Paawulō kilē kii *Satukaay :pichoochēē walak, ku *Parisaay walak, kumwa mu kōōkwoonoonēē kilē, “Murēchu, aneen *Pārisooyiin, ākōō wēēroo *Parisaay. Āmii yēēnyi /kēērwookoon āmu ārānēy kilē ng'ēētēy :Iriin piich choo kiikumēērō.” 7 Paani kaakumwa :Paawulō kilēē nyoonēē, kutoowu kuchuunchuunyo *:Parisaay ākōō *Satukaay. Kuchar keey :kōōkwēē kilēku :ārēēny. 8 (Mwoorēy *:Satukaay kilē nēē kaakuma :chiich ku maakung'ēētēy. Kimwoorēy mpō kilē moomii *:malaykeen ntā ku toomirmiirēy, ku kiirānēy *Parisaay kilē mii :ng'aleechoochēē tōkōl.) 9 Kiipōloopōl :piich nkōō kōōkwēē ākōy kung'ēētyō :koonēēt walak chēpō ng'ātuut choo kii lēē *Parisaay akukwiintaan kilē, “Koo māting'ēy :chiichi ng'ālyoon. Nkēt ng'oo, ālēē kāng'āloolchi inyeentee :toomirmiir, ntā ku *malayiika.” 10 Kipōlchi keey :piich ākōy kupuur :walak Paawulō kiwō kamasi, kupuurēy :walak kuwēētii kamasta nyi. Paani keero :kāāntōōyiintoonoonēē ng'aleechoochēē kuwāriisyō āmu kiiro kilē sākoosākēy :piich Paawulō kilē ‘chiim.’ Kuuyooytō nyuun askariichiich kupa kupuuru Paawulō nkōō wōloo kiimii :pichoochēē akuumut kuwō piriiruung'waang'.
11 Nēē mii lang'atuuni kituupēy nyoonēē, kuchōōnchi :Kiptaayaan Paawulō akilēēchi, “Paawulō, ikiil amēēwāriisyō. Kilēē paani kēē-āmchi piich mu Chēērusālēēm akipō aneen, iwēē-irēy mpō kilēē nyoonēē mu Rooma.”
Kiwāsēy :Yāwuutik kupar Paawulō
12 Kii nēē yyeech kōōrēē, kuururuuk keey :Yāwuutik akusirpēn kilē moomiisyō ntā kurēēsyō ākōy kuuro kilē kaakuukeet Paawulō. 13 Kiisiirēy artam :pichoochēē kii-ir ng'aleechoochēē. 14 Kipa :pichoochēē wōloo kiimii *:tisiik choo ēēchēēn ākōō kāāntōōyiipō kaapkiirwook akupa kimwoochi kilē, “Kaakēēsirpēn kilē māku-āmēy kir aka tōkōl ākōy keeroo kilē kaakeepar Paawulō. 15 Āyoochi nyuun kāāntōōyiintēē nyēpō askari kuut kilē /keemutu Paawulō kuchō taayuung'woong', ā-irtooy keey kilē toomārēy ateepee inyeentee ng'al toosōwuu kukaraam kiyoo ka-ir. Kichaan chēpootēēn keepara chiichi kutoomō ku-itu yēēnyi.”
16 Kii nēē teer :wēēroo chēētang'waang' Paawulō ng'aleechoochēē, kuwō ākōy piriiruu kaa askari akuwō kumwoochi Paawulō. 17 Kukuur :Paawulō kāāntōōyiintēē aka nyēpō askari akilēēchi, “Muta murooni kuwō wōloo mii nyi ōōw nyēpō askari. Ting'ēy ng'ālyoon nyoo mārēy kumwoochi inyeentee.”
18 /Keemut nyuun wēēroonēē ākōy wōloo mii :nyi ōōw nyēpō askari. Kii nēē it, kumwoochi :askariintoonoonēē chiichoonēē ōōw pō askari kilē, “Kākuurān :Paawulō nyoo rataat akuuyookwoon amutu murooni kuchō wōloo imiinyēēn, āmu ting'ēy :murooni ng'ālyoon nyoo mārēy kumwooruun.” 19 Kunam :nyi ōōw nyoo kiiryoonchinii askari wēēroonēē ēēr akuumut tapan siku-ama lōkōōy. Kiteep kilē, “Imārēy imwoorwoon nee?” 20 Kumwoochi :muroonoonēē kilē, “Kaakuchoomnyēēchi :Yāwuutik kusoomin āsuun imut Paawulō kuwō kuuryoong'ō taayuu kaapkiirwook. Irtooy keey kilē mārēy kiteep ng'al sikusōwu kukaraam kiyoo ka-ir Paawulō. 21 Mēērānchi nyuun pichoochēē ng'aleekwaak, āmu mii :walak choo siirēy artam choo mārēy kuusyēēp Paawulō sikupar. Kaakusirpēn :pichoochēē kilē mā-ākōy ku-am āmiisyō ntā kura kir ākōy kuurō kilē kaakupar Paawulō. Chēpootēēn :akwaaneek paannyēēnyi ku-ir kilēē nyoonēē. Mii kukānyēy kuteer kiyoo imwoochinii akwaaneek akipō ng'ālyoontooni mārēy kusoomin.” 22 Paani keewaang' :wēēroonēē kung'āloolēy, kumwoochi :nyoo ōōw nyēpō askari kilē, “Mēēwēēmwoochi chiich aka tōkōl kilē kaa-imwoorwoon ng'aleechu.” Kumwoochi nyuun kuwēēchi keey.
/Kēēyooytooy Paawulō kuwō Kayisareeya
23 Kiikuur :kāāntōōyiintēē askariik walak ārēēny choo ēēchēēn akilēēchi, “Āchēpō askari pokol ārēēny, ākoochēp choo lēē tāmānwook tisap choo pēērēē paraasiin, ākōō askari chēpō ng'ōtwēy choo lēē pokol ārēēny kupa :tōkōl Kayisareeya lang'atuunnyēēnyi saayit sōmōk. 24 Āchēpchii mpō Paawulō paraasiināk chaachiich sikuwēērō akaaroo kilē ka-itita kukaraam wōloo mii :pāytooyiintēē Pēēliisi.”
25 Kiisirta :nyoo ōōw nyēpō askari parwa kilē,
26 “Cham keey poontooni. Aneen *Kiloowutiyō Lusiya nyi kaasiruun parwaani, ku-itiin inyēēn Pēēliisi, pāytooyiintēē nyoo ōōw nyoo koonyitoot. 27 Kiinam :Yāwuutik chiichi, aku paani kiikiikuriik kuukeet, āwō ākōō askariichuuch āsāru āmu kyaateer kilē kii chiich nyēpō Rooma. 28 Kyoomārēy āsōwu kilē nēē nyi kālēēlchi :chiichi Yāwuutik, amut :aneen ākōy kōōkwoo kāāntōōyiikwaak. 29 Āsōwu nkōō kōōkwēē kilē kiimoomii lēēluut nyoo kii-ir chiichi nyoo kiiyāmēy /keetil kilē /keekeet ntā /keerat. Ng'al choo kiimwoorēy :Yāwuutik akipō inyeentee ku ng'al choo kiitāng'ootēy ng'ātuutēkwaak. 30 Kii nēē /kumwoorwoon kilē mii piich choo chēpēy kilē /keekeet chiichi, āyooku kuchō wōloonēē imiinyēēn. Kyoomwoochi mpō piich choo toomēy inyeentee ku-āpuun ng'aleekwaak.”
31 Kunam :askariik Paawulō lang'atuunoonēē akuumut ākōy Antipaatri kilēē paani /kiikumwoochi.
32 Kii nēē yyeech kōōrēē, kuwārākiisyō askariik :choo kiipēērēē kēēlyēn kaa askari. Kitas taay :choo kiipō paraasiin ākōō Paawulō ākōy Kayisareeya. 33 Kii nēē it Kayisareeya, kuutē pāytooyiintoonoonēē parwee, akumēti Paawulō ēēruunēchiich. 34 Kusooman :pāytooyiintoonoonēē parwee, akuteep Paawulō kilē, “Ipō kōōr nee?” Kii nēē sōwu kilē pō Kiliikya, 35 kilēēchi, “Āmārēy ateer ng'aleekuuk nēē itu :piikuuk chu kiitaamin.” Kii nēē kaakumwa :pāytooyiintoonoonēē kilēē nyoonēē, kumwaarta /keemut /pākēēkārchi kaa *Ērōōtē /ākēēriip.