¹ Ɛsɔ taasɔɔ Nowee nɛ tɛyɛ kpɩna tɩŋa nɛ ɖɩɣa ñɩna tɩŋa mba pa nɛ ɩ paawɛ mɛlɛ taa yɔ pɔ-yɔɔ. Pɩkɛdaa lɛ, eyele nɛ heelim nabʋyʋ ma tɛtʋ yɔɔ nɛ lɩm pazɩ tibu. ² Ɖɔɖɔ lɛ, eyeba nɛ tɛtɛɛ liŋgamɩŋ hila nɛ ɛsɔtɔnʋʋ paɖɩɣ nɛ tɛʋ yele nɩʋ. ³ Lɩm pazɩ tibu tataa pazɩ pazɩ. Kpaɣnɩ kigiluu tɛʋ pazʋʋ nɩʋ yɔ, pɩkɔma pɩla kɩyakɩŋ mɩnʋʋ nɛ nɩɩnʋwa lɛ, lɩm tiba. ⁴ Fenaɣ lʋbɛ (7) ñɩŋga taa, kɩyakʋ hiu nɛ lʋbɛ (17) ñɩŋgʋ wiye, mɛlɛ tibi kɩcaɣ pʋʋ ŋgʋ payaɣ se Araraatɩ pʋʋ yɔ, kʋ-yɔɔ. ⁵ Lɩm wɛɛ pitiki ḿbʋ, nɛ pɩkɔɔ pɩtalɩ fenaɣ hiu (10) ñɩŋga taa. Fenaɣ ŋ́ga ka-kajalaɣ kɩyakʋ ñɩŋgʋ wiye lɛ, pɩpazɩ losuu pʋŋ ñʋŋ taa.

⁶ Pɩlabɩ kɩyakɩŋ nɩɩnaza (40) lɛ, Nowee tʋlɩ mondoɖe nɖɩ ɛɛtʋlɩ mɛlɛ yɔɔ yɔ, ⁷ nɛ ɛlɩzɩ sumaɣ ŋga payaɣ se, kaŋgaɖɩyɛ yɔ. Ɖɩɖɩ ñalɩwa lɛ, ɖiwoki nɛ ɖɩpɩsɩɣ pɩkɔɔ pɩsɩnɩ alɩwaatʋ ndʋ lɩm sɔ tɛtʋ yɔɔ yɔ. ⁸ Peeye ɛlɩzɩ halikuku se, ɛna se lɩm tasɩ tibu tɛtʋ yɔɔ. ⁹ Ɛ́lɛ lɩwa lɛ, ɛɛnaɣ ɖenɖe ɛcaɣ yɔ, mbʋ pʋyɔɔ yɔ, lɩm kpɛndɩ pɩwɛ tɛtʋ yɔɔ ḿbʋ. Ɖɩnɛɛ, ɛpɩsaa se ɛsʋʋ mɛlɛ taa Nowee cɔlɔ, ɛ́lɛ posi e-nesi nɛ ɛkpa-ɩ nɛ ɛsʋnɩ pɩ-taa. ¹⁰ Nowee tasɩ ɖaŋʋʋ kɩyakɩŋ lʋbɛ (7) nɛ ɛtasɩ lɩzʋʋ halikuku mɛlɛ taa. ¹¹ Pɩkɔma ɛzɩ ɖanaɣ yɔɔ lɛ, halikuku pɩsɩ ɛ-cɔlɔ. Ɛtʋnɩ ɛ-nɔɔ tɩʋ ŋgʋ payaɣ se oliiviyee yɔ, kɩ-hayʋʋ lɛŋ ñɩŋgʋ. Peeye Nowee nawa se, lɩm tasɩ tibu tɛtʋ yɔɔ. ¹² Pʋwayɩ lɛ, ɛtasɩ yebu nɛ kɩyakɩŋ lʋbɛ (7) ɖɛɛ, nɛ ɛtasɩ ɖɔɖɔ lɩzʋʋ halikuku. Ɛ́lɛ lɩwa lɛ, ɛtatasɩ pɩsʋʋ nɛ ɛ-yɔɔ.

¹³ Pɩnaɣ ŋga Nowee kɔma ɛwɛnɩ pɩnzɩ taŋga nɛ mɩnʋʋ nɛ kʋɖʋm (601) yɔ, ka-kajalaɣ fenaɣ, kɩyakʋ kajalaɣ ñɩŋgʋ wiye, lɩm ñɔ tɛtʋ yɔɔ. Peeye Nowee kuli lɔbɩtʋ mɛlɛ yɔɔ, nɛ ɛna se tataa pazɩ wɩlʋʋ.

¹⁴ Pɩkɔma ɛzɩ fenaɣ naalɛ ñɩŋga taa kɩyakʋ nɩɩlɛ nɛ lʋbɛ (27) ñɩŋgʋ wiye lɛ, tataa tɛzɩ wɩlʋʋ.

¹⁵ Ɖɩnɛɛ Ɛsɔ heyi Nowee se, ¹⁶ ɛ nɛ ɛ-halʋ nɛ ɛ-pɩyalaa nɛ e-wolaa palɩɩ mɛlɛ taa. ¹⁷ Eheyi-i ɖɔɖɔ se, ɛ́lɩzɩ kpɩna ndɩ ndɩ wena ɛ nɛ yɛ paawɛ mɛlɛ taa yɔ nɛ alʋlɩ nɛ pihuúu nɛ pisu tɛtʋ yɔɔ. Anaɣ yɔ: sumasɩ nɛ ɖɩɣa kpɩna nɛ mbʋ pɩtɩnɛ pɩwɛ wezuu mɛlɛ taa yɔ. ¹⁸ Ɛsɔ heyi Nowee ḿbʋ lɛ, ɛ nɛ ɛ-halʋ nɛ ɛ-pɩyalaa nɛ e-wolaa palɩɩ. ¹⁹ Kpɩna ndɩ ndɩ lɩɩ ɖɔɖɔ, halʋ nɛ abalʋ, halʋ nɛ abalʋ. Anaɣ yɔ: tɛyɛ kpɩna nɛ tɛtɛ ñɩtʋ nɛ sumasɩ nɛ mbʋ pɩtɩnɛ pɩwɛ wezuu mɛlɛ taa yɔ.

²⁰ Palɩ ḿbʋ lɛ, Nowee ma KƖPAƔLƲ kɩlaŋ ɖɩlayɛ, nɛ ɛkpa kpɩna, wazaɣ kpɩna tɩŋa taa nɛ sumasɩ, wazaɣ sumasi tɩŋa taa nɛ ɛlaa-wɛ, nɛ ɛhɔbɩ-wɛ kɩlaŋ ɖɩlayɛ ńɖɩ ɖɩ-yɔɔ nɛ pañaɣ. ²¹ Ɛhɔbɩ-wɛ ḿbʋ lɛ, KƖPAƔLƲ nɩɩ sɔzɩŋ nɛ ɛɖʋ ɛ-maɣmaɣ ɛ-taa se ɛɛtasɩɣ wɩlʋʋ tɛtʋʋ kpalʋʋ ɛyʋ yɔɔ kaʋ. Ɛɖʋ ɛ-taa ɖɔɖɔ se ɛyʋ taa fɛyɩ ɖeu ɖooo ɛ-pɩcatʋ. Paa mbʋʋ yɔ, ɛɛtasɩɣ kʋʋ mbʋ pɩwɛ wezuu yɔ ɛzɩ ɛlabʋ yɔ kaʋ. ²² Ɛnawa se,