¹ Se, ye nɔɔyʋ ɛmɩlaɣ ɖoo taa, nɛ pakpa-ɩ nɛ pamabɩ-ɩ nɛ ɛsɩ yɔ, weyi ɛmabɩ-ɩ nɛ ɛsɩ yɔ, paatɔŋ se, ɛkʋ ɛyʋ. ² Ɛlɛ, ye wɩsɩ taa pɩlaba ḿbʋ yɔ, pɔtɔŋ se, ɛkʋ ɛyʋ. Se, pʋwɛɛse, mɩlʋ ɛhɛyɩ mbʋ ɛmɩlaa yɔ, pʋ-yɔɔ. Se, ye ɛɛpɩzɩɣ se, ɛhɛyɩ mbʋ ɛmɩlaa yɔ, pʋ-yɔɔ yɔ, pʋbʋ, pɛpɛdɩɣ-ɩ nɛ ɛkɛ yom.

³ Se, ye nɔɔyʋ ɛmɩlɩ nɔ, yaa kpaŋaɣ, yaa heu, yaa pʋnʋ, nɛ pana ɛ-cɔlɔ kpɩnɛ nɖɩ ɛmɩlaa yɔ yɔ, nɛ ɖɩ-ɛza yɔ, pʋbʋ, pʋwɛɛ se, ɛ́hɛyɩ kpɩnɛ ńɖɩ, nɛ ɛtɛ ɛtasɩ lɛɛɖɛ.

⁴ Se, ye nɔɔyʋ eyebi e-wondu nɛ tiwolo tɩtɔɔ lɛlʋ hayɩm taa, yaa lɛlʋ Viiñi tɩŋ yɔ yɔ, pʋwɛɛ se, ɛkpaɣ ɛ-hayɩm taa tɔɔnaɣ ŋga kakɩlɩ labʋ camɩyɛ yɔ, yaa e-viiñi pe kɩbana nɛ ɛhɛyɩ pʋdʋ.

⁵ Se, ye nɔɔyʋ ɛsɔbɩ sɔɔ hɔɖaɣ miŋ nɛ miŋ ɛnʋ ɛɖɛɛ ɛñaɣ tɔɔnaɣ ŋga pɛtɛm kʋm, yaa ŋga kapɩwaa nɛ patatɩɩkʋmdɩ-kɛ yɔ, yaa ŋga katatɩɩpɩda yɔ hayɩm taa yɔ yɔ, weyi ɛsɔbɩ miŋ yɔ, ɛhɛyɩɣ hayɩm tʋ, tɔɔnaɣ ŋga, ko-lone taa.

⁶ Se, ye nɔɔyʋ ɛcɛlɩ ɛ-taabalʋ liidiye yaa wondu ndʋ tɩwɛ wazaɣ yɔ se, ɛsɩ-ɩ nɛ mɩlʋ nɔɔyʋ wolo ɛ́lɛ tɛ, nɛ ɛmɩlɩ-tʋ, nɛ pakpa-ɩ yɔ yɔ, mɩlʋ ɛnʋ, ɛhɛyɩɣ mbʋ ɛmɩlaa yɔ, tɔm naalɛ. ⁷ Se, ɛlɛ, ye patakpa mɩlʋ yɔ yɔ, weyi ɛmʋ wondu nɛ ɛsɩɩ yɔ, ewoki ɛnʋʋ ɛ́lɛ Ɛsɔ ɛsɩndaa nɛ eɖuú se, pɩtɛkɛ ɛ-maɣmaɣ ɛkpaɣnɩ wondu ndʋ. ⁸ Se, ɛyaa naalɛ ɛhɔŋnɩ ɖama tɔm nɔ nɔɔyʋ, yaa kpaŋaɣ nakɛyɛ, yaa heu nɔɔyʋ, yaa pʋnʋ nɔɔyʋ, yaa toko nakʋyʋ, yaa wonuu kilebuu nakʋyʋ, yɔɔ yɔ, pʋbʋ ɛyaa ḿba pa-naalɛ, powolo ɛnʋʋ Ɛsɔ ɛsɩndaa. Se, weyi ɛnʋ wɩlɩɣ se, ɛ-tɔm sɩba lɛ, pʋdʋ hɛyɩɣ lɛlʋʋ, tɔm naalɛ, mbʋ pʋ-yɔɔ pɔhɔŋnɩ ɖama tɔm yɔ.

⁹ Se, pakpaɣ ɛzɩ nɔɔyʋ cɛlɩ lɛlʋ kpaŋaɣ nakɛyɛ, yaa nɔ nɔɔyʋ, yaa heu nɔɔyʋ, yaa pʋnʋ nɔɔyʋ, yaa kpɩnɛ naɖɩyɛ se, ɛ́lɛ ɛcɔnɩ pʋ-yɔɔ, nɛ kpɩnɛ ńɖɩ ɖɩsɩ, yaa pʋkʋ-ɖɩ, yaa mɩlaa mɩlɩ-ɖɩ nɛ nɔɔyʋ tanɑ. ¹⁰ Se pʋbʋ, weyi pɛcɛlɩ-ɩ kpɩnɛ se ɛcɔnɩ ɖɩ-yɔɔ yɔ, pʋwɛɛ se, ɛ́yaa KƖPAƔLƲ hɩɖɛ nɛ eɖuú se, pitɛkɛ ɛmɩlɩnɩ kpɩnɛ-ɖɩ nɛ e-nesi. Ɛlɛ, pʋwɛɛ se, kpɩnɛ tʋ etisi ɖuúu ḿbʋ pʋ-yɔɔ, nɛ lɛlʋ ɛtaatasɩ nabʋyʋ hɛyʋʋ. ¹¹ Se, ɛlɛ, yee weyi pecɛlɩ-ɩ kpɩnɛ se, ɛcɔnɩ ɖɩ-yɔɔ yɔ, ɛnʋ ɛlabɩnɩ kaakendu nɛ pamɩlɩ-ɖɩɩ yɔ, pʋwɛɛ se, ɛ́hyɩ kpɩnɛ tʋ, pu-lone taa. ¹² Se, ye tɛyɛ kpɩnɛ naɖɩyɛ ɛkpanɩ-ɖɩ yɔ, pʋwɛɛ se, weyi kpɩnɛ yɔɔ cɔnɩyʋʋ ewoni pɩtɔɔwaa nɛ pɩkazɩ mbʋ yɔ, nɛ pɩwɩlɩ se, pɩtɔɔ-ɖɩ kɩtɔɔʋ. Se, ɖɩnɛɛ lɛ, ɛɛtasɩɣ nabʋyʋ hɛyʋʋ.

¹³ Se, ye nɔɔyʋ ɛsʋlʋmɩ kpɩnɛ lɛlʋ cɔlɔ se ɛɖɔʋ, nɛ pɩcamɩ-ɖɩ yaa ɖɩsɩbɩnɩ kpɩnɛ tʋ wayɩ yɔ yɔ, pʋwɛɛ se, weyi ɛsʋlʋmɩ kpɩnɛ yɔ, ɛcaa kpɩnɛ nɛ ɛhɛyɩ. ¹⁴ Se, ɛlɛ, ye kpɩnɛ tʋ ɛwɛ asɛyʋʋ alɩwaatʋ taa yɔ yɔ, weyi ɛsʋlʋmɩ kpɩnɛ yɔ, ɛɛhɛyɩɣ nabʋyʋ. Se, ye sʋlʋmʋyʋ ɛɛhɛyɩ nabʋyʋ nɛ pʋcɔ ɛmʋ kpɩnɛ ńɖɩ yɔ yɔ, ɛɛtasɩɣ nabʋyʋ sɔzʋʋ mbʋ ɛɛhɛyaa yɔ, pʋ-yɔɔ.

¹⁵ Se, ye nɔɔyʋ epeɣzi pɛlɛ weyi ɛtasɩmdɩ abalʋ nɛ potosudi-i yɔ, nɛ ɛ nɛ ɩ pahɩnɩ yɔ yɔ, pʋwɛɛ se, pʋdʋ ɛnʋ ésuu pɛlɛ ɛnʋ nɛ ɛkpaɣ-ɩ halʋ. ¹⁶ Se, ɛlɛ, ye pɛlɛ caa ekizaa se, ɛcɛlɩɣ-ɩ ɛ-pɛlɛ lɛ, pʋwɛɛ se, pʋdʋ ɛnʋ ɛkɛdɩ mbʋ posuu nɛ pakpaɣkɩɣ pɛlɛ weyɩ ɛtasɩmdɩ abalʋ yɔ, pʋ-nɔɔ taa liidiye nɛ ɛhɛyɩ.

¹⁷ Se, pɩfɛyɩ se peyele halʋ weyi ɛtɩyɩɣ yɔ, nɛ ɛcaɣ wezuu. ¹⁸ Se, ye nɔɔyʋ ɛca kpɩnɛ yɔ, pʋwɛɛ se, pákʋ pʋdʋ ^a.

¹⁹ Se, ɛnʋʋ KƖPAƔLƲ, e-ɖeke pʋwɛɛ se, pálaa kɩlaŋ. Se, ye nɔɔyʋ ɛ́la kɩlaŋ agɔlɩma agɔma yɔ, pʋwɛɛ se pakʋ pʋdʋ ^b.

²⁰ Se, pɩtamʋna se, pánazɩ yaa páwɩlɩ kʋñɔŋ agɔma ḿba pɛwɛ pɛ-tɛ yɔ. Se, pɔ́tɔzɩ se, ḿba ɖɔɖɔ paakɛ agɔma Ejipiti ɛjaɖɛ taa. ²¹ Se, pátaawɩlɩ kʋñɔŋ lelaa yaa solisi. ²² Se, ye pawɩlɩɣ-wɛ kʋñɔŋ nɛ paba yaa-ɩ se ɛsɩnɩ-wɛ yɔ, ɛnʋʋ KƖPAƔLƲ, ewelesiɣni-wɛ. ²³ Se, pʋbʋ, ɛnʋ taa pana kpaɣnɩ-wɛ, nɛ ɛnʋ eyele nɛ pakʋ-wɛ you taa. Se, ɖɩnɛɛ lɛ, pa-halaa kɛɣ lelaa nɛ pe-piya ñɛkɛ solisi.

²⁴ Se, ye pakɩndɩ ɛnʋ samaɣ taa kʋñɔŋ tʋ nɔɔyʋ liidiye yɔ, pataapɔzɩ-ɩ se, ɛhɛyɩ nɛ pɩkpɛndɩnɩ kɛsɛɣa ɛzɩ liidiye kɩndɩyaa lɛlaa lakʋ yɔ ^c.

²⁵ Se, ye nɔɔyʋ ɛkpaɣ e-koobu toko nabʋyʋ lone taa yɔ yɔ, ɛpɩsɩnɩ-ɩ-kʋ nɛ pʋcɔ wɩsɩ ɖʋ. ²⁶ Se, ki-ɖeke ɛwɛna se ehuu nɛ ehuuzi ɛ-tɔnʋʋ yɔɔ. Se, ye kɩfɛyɩ, ɛ́bɛ ehuu nɛ ɛhɩnɩ? Se, ye ɛya ɛnʋ se ewolo ɛlɩzɩ-ɩ pɩ-taa yɔ́ yɔ, ɛnʋ welesiɣni-i. Mbʋ pʋyɔɔ yɔ, ɛnʋʋ lɛ, ɛwɛɛ ɖeu.

²⁷ Se, pɩtaha nʋmɔʋ se, pátʋʋ ɛnʋʋ pɛ-Ɛsɔ, yaa páwɩlɩ kpalʋʋ, pa-samaɣ ñʋʋdʋ.

²⁸ Se, ye pákʋm pɔ-tɔɔnasɩ yaa pókoyi pa-tɩŋ pee lɛ, powoni ɛnʋ ɖeɖe kpaagbaa, pataayele se pileɖi nɛ pʋcɔ.

Se, pa-pɩyalaa taa lɛ, pakpaɣ abalɩbɩɣa kajalaɣ ñɩŋga nɛ pɛcɛlɩ ɛnʋ nɛ kɛkɛ ɛ-ñɩŋga.

²⁹ Se, kʋɖʋm tʋ ndʋʋ, pʋwɛɛ se pála kpɩna hɔɔlʋʋ taa. Se, kajalaɣ pɩya ŋga nɔ yaa heu yaa pʋnʋ lʋlʋʋ yɔ, ye pɩkɛ abalɩ ñɩŋga yɔ, kacakɩ ko-ɖoo cɔlɔ kɩyakɩŋ lʋbɛ. Kɩyakʋ lutozo ñɩŋgʋ lɛ, pʋwɛɛ se, pakpaɣ-kɛ nɛ pálaa ɛnʋʋ kɩlaʋ.

³⁰ Se, pɛ́kɛɣ ɛnʋ ñɩm kpaagbaa kpem. Se, pʋ-yɔɔ lɛ, pátaatɔɔ kpɩnɛ nɖɩ tɛtɛ kpina cɩyaa yɔ, ɖɩ-nandʋ. Se, pákpaɣ nandʋ ndʋ nɛ paɖʋ hasɩ.