Yiesu Sundi Tuona tie kadaaɔg nba diɛn k lan ŋɔn Yiesu n duo u Baa buol, g yen tod u *ŋuantieb k b sun yal nba i. Luk n diɛn l kadaaɔg mɔ. U diɛn g ŋɔn Kristo *tintaanu n cil nand Serusalɛm doug n g daan kua dingbanfana n ninŋ i.

*Suif-nba buuddanm bo g ŋaa Kristo-yab yen laafiɛ. Ama yen l kul, *Kristo sann bo l do i, g niib pugd Kristo tintaanu po daal kul.

L kadaaɔg cil yen Piɛr yen u lieb laabaal i. Ama g diɛni nba maad Pɔl yaan sun tuona nba dingbana n ninŋ n yab. Wano Pɔl daa bo cil g cagn Kristo-yab i. Ama Kristo bo tan lebd u maalm i, g tug g tien’o u tuonsunn. Yiesu *sundi n ninŋ, wano n muand *Laabamann bonciɛnn yab g tie Suif-nba siign.

Yiesu sundi paalu po kaa k b fid g muand Laabamann. *Foŋanm n bo be yen’m g pugd’b dindann, g tien’m papaal yen yanfuom k b tuonn saa liig.