Pɔl n yaan diɛn kadaaɔg g tie Efɛs yab, u daa cind g dond Yendu i, k l maa u bo tuod g lugd’ti g sua k u daa g tag ŋanduna, g biɛ fiel’ti k t ji taan g be yen t Yonmdaan Yiesu Kristo.

G yuand g maad g Yendu n tie’ti *Foŋanm g biɛ puon’ti k t tan bu di faal nba k u bo bil g guun’ti polu po. G biɛ maad g Yendu n bua n taan bonn kul Yiesu n ninŋ. K wano n te g *Suif-nba yen *buolfanu yab kul ji taan g tie buolyenu, banm nba bo cind g tie ditai.

Pɔl maad k tin taan g be yen Yiesu Kristo nyan, k t yaa binbem ji bo baa be jiɛg yen yab g ban Yendu i, k l maa Yendu tie’ti manfopaann Yiesu n ninŋ. G Kristo-yab ń gii jiind b kua b lieb nunŋ n, gii bua b lieb, g biɛ gii piin b lieb sugl. U biɛ maad maam bonciɛnn g ŋɔn puob yen b salb n baa be nand, bid yen b danm n baa be nand, yonmi yen b yonmdanm n baa be nand.

U ji tan juod g maad g Kristo-yua kul ń bobn jakɔntiɛd nba k u bu tug g kɔn g paad *Sitaan.