Filiip bo tie doug u, g be Maseduann diem n. Pɔl n bo cind g muand *Laabamann l doug n. Pɔl ji bo diɛn kadaaɔg ne g tie l doug n Kristo-yab i. Wano Pɔl bo diɛn l kadaaɔg g sua k u be dansaldieog n i (1.7). Wan yen maad g nyanŋ lanbona nba tie pamann lanbona kukua i. Wan bo be mabl n nyan, u bo mali k b bu luod’o k wan tod Filiip Kristo-yab k ban gad liig yen b *dindann.

Yab bo tuo g gaal *Kristo nyan bo g sunm Pɔl po. B bo tod’o bonciɛnn. Banm n biɛ bo sun Epafrodit k u gad yen yal bo bu fid g tod’o g tie’og.

Kadaaɔg ne ninŋ Pɔl pugnd’b papaal k ban l gii dug Kristo po, g kpaan k b binbem ń nand yen u yal, g biɛ nand yen Kristo yal mɔno. U biɛ maad’b k ban mɔnd g naataann ń gii be b siign k b taa mɔb. Wan ban g nibiid bu fid g kua b siign g bɔnd’b nyan, u tuod g kpaa’b, g yed k ban suol b kua yen *Suif-nba nba diɛ b danm bogda g kuand *fielu maam n ninŋ nyan. U pugn g pag’b i, g tien’m balg paab nba k b tie’og nyan po, g fuond fuond’b g ji cab’b.