Yiesu *sundu Pɔl n diɛn munle po kadaaɔg nba g tie Tɛsaloniik Kristo-yab ne ninŋ, u guan g tiɛd’b wan bo kpiɛ g maad’b yal nba kpienm yiedu po yen Yiesu guanu po u kadacincinn n ninŋ. Mɔni, siɛb bo tua g Yiesu baal o, k ban ji daa guu’ug, g siɛb mɔ tua k u daa g baal, k u guanu ji g fag, k banm ji kan gii suun siɛl, g nyaan g yen bua g lieb ń gii suun o k banm ji di. Pɔl bo diɛn l kadaaɔg k wan ŋɔn yua kul yal nba tie mamɔni k ban ŋaa l mayuyuod g tɔgn mamɔni sɔnu i.

L kadaaɔg n ninŋ, u cind g tien Yendu i balg Tɛsaloniik Kristo-yab buam po yen b *dindann po. G yuand g maad g nibiiug nne tan bu baal ŋanduna n ninŋ g sagn niib bonciɛnn yen Yendu. L nibiiug cil u tuonn o, g nyaan u yen daa wuod i. Yaa youg nba k u tan bu legd gii suun u tuonbiid ninprurr nyan, l youg u, g Yiesu ji bu guan yen u yudand g kpi’ug.

U paan Kristo-yab pala, k ban gii suun tuonn, gii diɛ b dindann k l paa. U kɔn yen gbannyagdanm bonciɛnn, g maad’b g yua g suun tuonn, wan daa di mɔ. U juod g gaal Kristo-yab mɔgaalŋani i g ji cab’b.