Yiesu *sundu Pɔl n yaan bo diɛn kadaaɔg ne g tie Tɛsaloniik Kristo-yab nyan, l bo sua Tɛsaloniik tie *Rom yab dogbenŋl i g be Maseduann diem n ninŋ. Pɔl n bo cind g baal l doug n g kaan Kristo-yab *tintaanu. Ama u bo g fid g kal l buol g wai g dugn *Suif-nba nba bo be l buol bo g tuo u po. Wan ji bo be Korɛnt doug n i, k u yegnu Timote nyiɛ Tɛsaloniik g baal g maad’o l po Kristo-yab n juun g be nand g diɛ b *dindann k l paa, g Pɔl pal manŋ hal bonciɛnn.

L puol po i g Pɔl diɛn kadaaɔg ne g tie Tɛsaloniik yab. L kadaaɔg n ninŋ, u cind g tien Yendu balg i, yen Tɛsaloniik yab n ŋua *Kristo nand. U tuan g tiɛd’b wano mɔno n bo sun tuonn nba b siign, g paan b pala k ban gii diɛ nnyan gii saa liig, k b dindann ń gii kped g pugd. U maad’b l kadaaɔg n k u niɛn k wan guan g la’b. U juod g jiin buali nba k b mɔg kpienm yiedu po yen Yiesu guanu po i, g tie’b cegli g ji cab’b.