Piɛr tie Yiesu *sundi siign ninŋ yend i. Kadacincinn ne, u bo diɛn g tie Kristo-yab nba yad g kua dingbanfana n ninŋ i.

Kristo-yab nba g Piɛr bo diɛn’m ne bo be yen yanyɔug u. Niib bo nund’b, g jalg’b k b suun yal nba g ŋan, g biɛ cagn’m. L po n bo te g Piɛr diɛn g bua k wan paan b pala k ban daa ŋaa *Kristo. U bo tiɛd’b Yendu n fiel’b nand g te k b mɔg *dindann Yiesu kuum yen u yiedu po. U biɛ bo tie’b cegli g ŋɔn’m ban baa be nand b binbem n ninŋ daal kul.

Yonmi n baa be nand yen b yonmdanm, banm Kristo-yab n baa be nand yen yikodanm, puob yen b salb binbem n baa tie nand. Kristo-yab yen yab nba g tie Kristo-yab binbem n baa tie nand. U biɛ ŋɔn Kristo-yab *tintaanu nikpela yen ninpaaɔnŋ yen yab tenn kul n baa be nand g tintaanu sonm nyan Yendu n bua nand nyan. U bo maad’b k ban l gii diɛ k l paa yen fala n ninŋ kul, gii ban g Yendu n bo puon k u bu tien yal nba g te u niib, u kon bu l tien yen mɔni. U juod g fuond fuond’b i.