Yua nba diɛn kadaaɔg ne yi Saak i. Saak tie Yendu yen t Yonmdaan Yiesu Kristo tuonsunn i. U diɛn kadaaɔg ne ninŋ lanbonjala nba nyuan nifosaal kul binbem po k wan te Yendu niib nba yad ŋanduna n ninŋ g be kaannaa kul. U cind g maad yanfuom maam i. U yed g yanfuom kul nya Yendu buol i. G nil nba bua wan gii mɔg yanfuom wan miɛl Yendu yen papienn gii dug yen u pal kul k u bu la.

Munle po g maad bigna yen juunn maam. G bignn nba baal nil kul, wan mɔnd g juun g daa tie biid, nnyan i k u bu fid g te nil nba cie, k u yam gagd.

Saak tuan g maad tali yen mɔgda po. G sua ń daa nund tali. U kɔn yen mɔgda nba di tali.

U tie Kristo-yab cegli bonciɛnn ban baa be yen lieb nand, g yua kul ń tu mali u g fid g jiin maam, g dugn nil lanm tie bonbiɛdl i. Yal nba ŋanm g tie Saak tundjal kadaaɔg ne ninŋ tie nil *dindann yen u tuona i. Nil nba tie Kristo-yua yen mɔni bu ŋɔn u tuona n ninŋ yen u binbem n ninŋ i wan tie yua nba.

Saak juod u kadaaɔg g paan Kristo-yab pala i, k ban gii jaand lieb po youg kul, gii tod lieb.