2 यापेतनाङ मग़्कु: गोमेर, मागोग, मादय, यावन, तुबल, मेसेक, तीरस, वेर आंदुर; वेरग्डाह पुटटाङ देसेह्‌किह्‌कु वेराङे पेदिर्क उदताङ. 3 ओसो यापेतना मग़ि गोमेरनग्डाहि, अस्कनाज, रीपत, तोगर्मा, इव देसेह्‌कनोर लोकुर पुटटोर. 4 अद्रमे यापेतना मग़ि यावन, वेनग्डाहि, एलिसा, तार्सिस, कित, दोदान इव देसेह्‌कनोर लोकुर पुटटोर. 5 वेरे लोकुर सम्दुर कचुल मनदनाङ देसेह्‌कने मनदलाह आतोर. इद्रमलेह्‌का यापेतना पुळ्गि^a वेरु, अलग-अलग देसेह्‌कने अनजि, अलग-अलग पोल्‍लोङ वळ्ह्‌कवालोर, अलग-अलग जातिङ, अलग-अलग कूळिनोर आतोर.

6 हामनाङ मग़्कु: कूस, मिसर, पूट, कनान, वेर आंदुर, वेरग्डाह पुटटाङ देसेह्‌किह्‌कु वेराङे पेदिर्क उदताङ. 7 हामना मग़ि कूस वेनग्डाहि सबा, हविला, साब्ता, रामा, साब्तका, इव देसेह्‌कनोर लोकुर पुटटोर. ओसो कुसना मग़ि रामाल वेनग्डाहि सबा, ददान इव देसेह्‌कनोर लोकुर पुटटोर.

8 कुसिह्‌क ओसो ओर्वोग़ निम्रोद इनवाल मग़ि मतोग़, ओग़ इद दुनियाते मुनेटोग़ बेरा लावतोग़ पळयोग़ आंदोग़. 9 ओना लेह्‌का इद दुनियाते बेस वेटा केवाल बोग़े इलेग़, अदिह्‌कु इंजेके, “निम्रोदिन लेह्‌का असल वेटा केवाल” इनजि पोल्‍लो उदता. 10 निम्रोदि मुने सिनार इनदनद देसेमतगा, बाबेल, एरक, अकद, काल्ने, इव सहर्कने राजेम कीतोग़. 11-12 पया ओग़ सिनारताहि पेसिसि, असुर देसेमते अनजि निनवे, रहोबोतिर, कालह, रेसेन, इव सहर्किन दोहतोग़. (रेसेन इतेके बेरा सहर कालह, निनवे इव रेंड सहर्कना नडुम मता.)

13-14 ओसो हामना मग़ि मिसरनग्डाहि लूद, अनाम, लहाब, नप्तुह, पत्रुस, कसलुह, कप्तोर, इव देसेह्‌कनोर लोकुर पुटटोर. (पलिस्ति लोकुर इतेके कसलुह लोकुरग्डाहि वातोर.)

15 हामना वीस्रा मग़ि कनानना पुळ्गि इद्रम मन्ह्‌ता इतेके, माळा मग़ना पेदिर सिदोन, पया हित पुटटोग़. 16-18 ओसो यबुस, एमोर, गिर्गास, हिव, आर्क, सिन, अर्वद, समार, हमात, इव देसेह्‌कनोर लोकुर कनाननग्डाहि पुट वातोर. पया कनानना कूळतोरु वेल्‍ला तेग़ आसि बेक इतेक अकेन अतोर. 19 अह आसि कनानना अंदि सिदोनताहि गरार इंदाना अग़दगाह्‌कु हाजा एवनाहि, ओसो सोदोम, गोमोरा, आदमा, सबोयिम, इविना अग़दुह्‌क लासा एवनाहि मता. 20 इद्रमलेह्‌का हामना पुळ्गतोर वेरु अलग-अलग कूळिङ, अलग-अलग पोल्‍लोङ वळ्ह्‌कवालोर, अलग-अलग जातिनोर आतोर.

21 यापेतना दादाल सेम, ओन्क वने पेकोर पुटटोर. (सेम इतेके एबेर इनवाना पेपि आंदोग़, वेग़ एबेरनग्डाहे कतम इब्रितोर पुट वातोर.) 22 सेमनाङ मग़्कु एलाम, असुर, अर्पक्सद, लूद, अराम, वेर आंदुर, वेरग्डाह पुटटाङ देसेह्‌किह्‌कु वेराङे पेदिर्क उदताङ. 23 ओसो अरामिनाङ मग़्कु: ऊस, हूल, गेतेर, मस वेर आंदुर. 24 अर्पक्सदिना मग़ि सेलह, सेलहना मग़ि एबेर आंदोग़. 25 एबेरिह्‌क इर्वुर मग़्क पुटटोर. मुनेतोग़ पुटटस्केने दुनियाते लोकुर आङतोर इनजि ओना पेदिर पेलेग (इतेके आङमुळि) तासतोर. पेलेगना तमिना पेदिर योक्तन आंदु. 26-29 योक्तननग्डाहि अल्मोदाद, सेलेप, हसर्मावेत, येरह, हदोराम, ऊजाल, दिक्ला, ओबाल, अबिमयेल, सबा, ओपिर, हविला, योबाब इव देसेह्‌कनोर लोकुर पुटटोर. 30 वेरा मनदकन जागा मेसाताहि पोळ्द पेसनेके मताङ मेटानगा सपारा इनदनद जागा एवनाहि मता. 31 सेमना पुळ्गि वेरे आंदुर, अलग-अलग कूळिङ, अलग-अलग जातिङ, अलग-अलग पोल्‍लोङ, अलग-अलग पटिङ आसि अलग आतोर.

32 इद्रमलेह्‌का नोहाना मग़्किरा पुळ्गि मता, उड्राता पया वेरेनाहि इद बूममेंडु सबे जातिङ पुटटाङ.