5 इद इळ्ता बूमता लोकुर अद नाग़ ओसो मिदे पंडलाह आतोर, अस्के अविस्किन ऊळलाहि यहोवा देवुळि रेगता.6 मिदे पंडनदिन देवुळ ऊळता, ऊळिस मल्स अनजि विचर कीता “इद नना बाताल ऊळिह्‌नन, वेर लोकुर इंजेक उंदिय जाततोर, उंदिय पोल्‍लो वळ्ह्‌कवालोर मनजि, इचोटा बेरा कबळ कीयलाह आतोर इतेके, वेर विचर वातप बेदाय कीया पग़यनुर.7 अले वेरा वळ्ह्‌कना पोल्‍लो ओर्विह्‌क-ओरना तेळियनायो, इनजि पोल्‍लोतुन गळ्बळ कीसीयिङ.”8 इद्रमलेह्‌का देवुळ ओरिन इद बूमते बूममेंड आङनाह कीता, अस्के ओर अद नाटुन दोहतनद विळ्सतोर.9 अदिनेनाह्‌कु अद नाटेना पेदिर ‘बाबेल’ (इतेके गळ्बळि) उदता, बाराह्‌क इतेके अगाने देवुळि लोकुरा पोल्‍लोतुन गळ्बळ कीसीता. अद्रमे अग्डाहे सबे लोकुरिन वने पूरा बूममेंड आनाह आङिह कीता.