4 इद लळय बह पुटटा इतेके वेर एयवुर राजालोरु, कदोर्लागोमेर राजाना कय इळ्नु बारा वर्सांङ एवनाह मतोर. मति बारा वर्साना पया वेर सबेटोर ओना विरुद आतोर. 5 अदिनेनाह्‌कु वर्सामेटा पया कदोर्लागोमेर राजाल दुस्रा राजालोरिन तोळ कीसि, वेर एयवुर राजालोरा अडम लळय कीयलाह वातोग़. कदोर्लागोमेर ओसो ओना संगतोर राजालोर, तमा दायनद अग़दे रेपायि लोकुरिन असतरोत्कनमतगा आरे कीतोर, अहे जूजि लोकुरिन हाम सहरते आरे कीतोर, ओसो एमि लोकुरिन साबेकिर्यातम इनदनद दल्पाते आरे कीतोर. 6 ओसो ओरु ओरि लोकुरिन सेयिरता मेटा बूमतगाह्‌क आरे कीसोर एल्‍पारान एवनाह पूंडटोर. (एल्‍पारान इतेक पेळ्ह्‌कल बूमता कचुल मता.) 7 अस्‍के कदोर्लागोमेर राजाल पेग़्के मलसि एन्‍मिसपातते अतोग़, (इदिन नेंड कादेस वेने इन्ह्‌तोर) अनजि अमालेकि लोकुरा देसेमते अस्के बोर मतोर ओर सबेटोरिन आरे कीतोर.^a अद्रमे एमोरि लोकुरिन वेने आरे कीतोर, वेरे लोकुर हससोन-तामारते मंदुर

8 अस्‍के हामुर सम्दुरतेके मनदनव एयुङ सहर्कना राजालोर सबेटोर कलियिस तमा विरुदतोरिन लळय कीयलाह सिदिम दल्पाते अतोर. 9 अगा ओरु एलामता राजाल कदोर्लागोमेर ओसो तना तोळतोर बेरा देसेह्‌कनोर राजालोरा अडम लळय कीयलाह अतोर. इद्रमलेह्‌का नालवुर बेरोर राजालोरु एयवुर उड्‌लोर राजालोरा संगे लळय कीतोर. अस्के एयवुर उड्‌लोर राजालोर आरेम आतोर.

10 सिदिम दल्‍पातगा दामेरते निहतव बोंदाङ वेल्‍लाङे मताङ. सोदोम ओसो गोमोराता राजालोरु तमाङ सीपय्‍कना संगे वितनेके, उय्तुर सीपय्‍क अव बोंदानगा अरतोर, पिसतोर बार मेटानके विततोर. 11 सोदोम-गोमोरा लोकुराङ तिनदनाङ, उनडनाङ, ओराङ गेंदेङ ओसो बेचोनो मालसोम मता, अद सबे पोसि तमा विरुदतोर ओतोर. 12 अस्के अब्रमिह्‌क तमदादाना मग़ि लोट सोदोमते मनदोग़, ओन वने दोहच ओतोर, ओयह्‌पा ओना मालसोम वने पोसि ओतोर.

13 अस्‍के इब्रि जाततोग़ अब्रम, एमोरि जाततोग़ मम्रेना जागाताङ पूस मरानगा रोमिस मतोग़, ओसो बेदाय लळयते माट ओर्विह्‌क ओर्वोग़ तोळ आयकल इनजि मम्रे एसकोल ओसो आनेर वेरु तमोग़ मुवुर अब्रमना संगे करल कीस मतोर. अद लळयते ओर्वोग़ मन्‍कल पिह्‌ट अरसि अब्रमनगा अनजि लोटना कबुर वेहतोग़.

14 नावा पेकान दोहच ओतोर इनजि अब्रमिह्‌क एर्का आता अस्के तना लोते पुटटोर 318 लळय कीया कग़यतोरिन जमा कीतोग़. पया ओरिन पोसि, अब्रम लोटिन पोस ओतोर विरुदतोरिन, दान सहर एवनाह कोज ओतोग़. 15 अदे दिया नग़्का ओग़ तनाङ सेवकिराङ अलग अलग तुंगाङ कीसि विरुदतोरा नडुम दोम्‍ह्‌क्‍नेन लळय कीतोग़. अब्रम विरुदतोरिन आरे कीसि दमिस्‍क सहरता अबर होबा सहर एवनाह पूंडटोग़. 16 अस्‍के अब्रम विरुदतोर कलिस ओस मतद सबे मालसोम, अद्रमे तना तमदादाना मग़ि लोट, ओना मालसोम आस्‍किनु ओसो ओर्युलतोरिन, दोहच ओस मतोर सबेटोरिन पोस वातोग़.

17 पया कदोर्लागोमेर ओसो ओना संगता राजालोरिन आरे कीसि अब्रम मल्स वानेके, सोदोमता राजाल ओन कलियलाह सावे दल्‍पाते अतोग़. (अद दल्‍पातुन इंजेके राजाना दल्‍पा इन्ह्‌तोर.)

18 अद्रमे सबेट्‍क बेरा देवुळता बूमयाल इनवाल सालेमता (इतेके येरुसलेम सहरता) राजाल मेल्किसेदेक वने आरिङ ओसो अंगुर जोमा पोसि अब्रमिन कलियलाह वातोग़. 19 वासि मेल्‍किसेदेक अब्रमिन इद्रम इतोग़:

इतस्‍के अब्रमिह्‌कु लळयते दोर्कतद सबे सामनता दहा तूस्कनग्डाह उंद तूस मेल्‍किसेदेकिह्‌कु कोडि ईतोग़.^b

21 पया सोदोमता राजाल अब्रमिन इतोग़, “निमा सबे मालसोम तासा मति, विरुदतोर ओस मता नावा मन्कलोरिन नाक मल्हच ईम,” इनजोर इतोग़. 22 मति अब्रम सोदोमता राजान इतोग़, “पोग़ोटा बूमतुन ओसो इळ्ता बूमतुन पंडटद सबेट्‌क बेरा यहोवा देवुळता मुनेह नना किरिया कीतन. 23 नना नीवा सामनतग्डाह बाताले तासोन आयकन, उंद एल्‍पुंज वने ओसो इचुटा नूल वने एनोन आयकन. बह इतेके, ननाने अब्रमिन साव्कर कीतन, इद्रम पेग़्के पोल्‍लो पुटनद आयो. 24 नावाङ वेर लेयोर मन्‍कलोर बेचोन गाटो तितोर अचोट्‌के नना केमेन आय्ह्‌नन. मति लळयते नावा तोळ आयवालोर आनेर, एसकोल, मम्रे वेर तमोग़ मुवुरिह्‌क गेल्‍सिस ततद सामनतग्डाह उचुन तूस ईम,” इनजि अब्रम इतोग़.