Pekakae i Pue bona Napakanoto i peitaNa
Hangko i Daudi
26
1 O Pue, Nupamanotona i peitaMu,lawi tuwomona i kanoto lalu.
Pue pea peharungangku,
hai barana bata-bata.
2 O Pue, petandakana hai Nukamatana,
Nuparesa lalungku hai pekiringku.
3 Lawi ahiMu bara naliu inaongku,
hai matunduna Irio.
4 Barana mampohintuwua tauna au meakalangi,
hai barana mampohimada tauna au mobata ntimali.
5 Kukahihi poteteruhunda tauna au mobabehihe dake,
hai kukaraohi tauna au motengko lalunda.
6 Kubahoi taiengku, tandana barana masala,
hai lumaona motoleliki watu pohuwea popenomba Irio.
7 Hai mampolingana nani katana lalu,
hai kubambari tanda kuasaMu au mewulii.
8 Pue, kukabilai mpuu souMu,
au Nupaidai i peawaMu.
9 Ineena Nupapate hihimbela hai tauna madosa,
hai inee Nuala inaongku hihimbela hai topepapate.
10 Mobabehi liliuhe dake,
hai modoko liliuhe pepakii.
11 Agaiana iko, tuwona i kamalelaha lalu,
Nupokaahina hai Nuhoremana.
12 Marohomi peangkaku i tampo au hindere,
ina motoiana Pue hihimbela hai taunanahe Pue Ala.