Pue Ala iami Datu au malelaha
Nani petoiana Asaf
82
1 Pue Ala meangka i poteruhunda hinangka au makuasa i suruga;i olonda ope-ope ala, Iami au mebotusi, hai Nauli,
2 “Hangkia mani kamahaena peparesami bara manoto
hai mamperuruikau tauna au kadake?
3 Wei kamanoto i tauna au bara rabuku tuwo hai anangkoi au ilu.
Peruruihe tauna au mantodiha hai tauna au meahi-ahi.
4 Horemahe tauna au mapari tuwonda hai au meahi-ahi;
kabahahe hangko i taie tauna au kadake.”
5 Bara wohiraia mongilo hai barahe moisa apa-apa,
molumaohe i kakaindiana; moduami humalele tampo
6 Iko, mongkoramoNa, “Ikamu makuasa worikau,
anaNa hahakau Pue Ala Au Makuasa.
7 Agaiana ikamu, ina matekau nodo manusia;
nodohe tadulako ina madampakau.”
8 O Pue Ala, pearomide; Nuparesami dunia,
lawi humalele tauna Oiomi ampuna.