Yerusale, wanuana Pue Ala
87
1 Idemi hampaka nani petoianda to Korah.
I bulu au malelaha, ara hambua wanua au naaro Pue.
2 Hangko i ope-ope wanua au ara i Isaraeli,
Yerusalemia au melumbu kaNapokakaiana.
3 O wanuana Pue Ala, kana irio Napololita
hinangka au meawa, Nauli:
4 “To Masiri hai to Babeli Kuimbahe tauna au moisaNa;
nodo wori to Pilisitea, to Tirus hai to Etiopia tepesuahe to Yerusale.”
5 Kana i Yerusale, ina rapololita, rauli,
“Humalele tauna ina raimbahe to Yerusale,
hai Ia Au Makuasa ina mopakaroho peangkana.”
6 Pue ina mampopesua hanganda humalele tauna i lalu imbanda to Yerusale.
7 Ina monani-nani hai motarohe rame-rame, rauli,
“O wanua Yerusale, pongka katuwongku ara irio.”