Pue iami Datu i hae-haena
93
1 Pue iami Datu au mampowaru peawa hai karoho.Ido hai dunia maroho mpuu pohudana; bara moenggo.
2 KadatuaMu maroho
mepongka i mpolinguruna;
Oio aramoKo hangko damani hinangkana rapopewali.
3 O Pue, ope-ope owai mopakebuu pogumuruna,
tahi moparumihi pobalumbana.
4 Makuasa mani Pue au i suruga pane powoo owai au kebuu,
hangko i karumihina balumba tahi au mapihe.
5 O Pue, aturaMu monono, bara ina tebali;
souMu malelaha i hae-haena.