Tempo pehorema hungkumi
98
1 Ponanimide nani au wou i Puelawi Nababehimi hinangka au mewulii.
KabuhuaNa au maroho mopaara penangi;
katehorema Napobagomi hai taie koanaNa.
2 Pue mobambari pehoremaNa;
notoNa Napatongawa i lindonda humalele tauna.
3 Ia mokatuinao ahiNa au bara mokahopoa
hai kamaduduNa i to Isaraeli;
humalele dunia moitami penangina Pue Ala au tapenombai.
4 Ee humalele dunia! Tapomahilemi Pue,
tatoiami hai monanike matana-tana.
5 Nikawimi kecapi motoia Pue
monanimokau magora-gora Iria.
6 Nitawue torompe hai tatamburu,
monanimokau matana-tana i lindona Datu, iami Pue.
7 Ee tahi hai hinangka ihina mogumurumokau motoia Pue,
nodo wori dunia hai hinangka au mampaidai!
8 Ee ope-ope halu, mohapa-hapakau
hai ope-ope bulu, monanikau matana-tana
9 i lindona Pue, lawi Ia hawe bona moparesa dunia.
Ia ina mobotusi humalele tauna
moula kanoto hai kahintimba.