Katana Tauna au Manoto
112
1 Toiami Pue!Morasimi tauna au langa i Pue,
au tou-tou mpuu madota mampeulai hinangka parentaNa.
2 Pemuleana ina maroho i dunia,
muleana tauna manoto ina rawati.
3 Anu-anu hai kapebuku ara i lalu souna
notona tetida i hae-haena.
4 I lalu kamakaindi mesupa baa i tauna au manoto,
i tauna au maahi, au mepokakaia
hai au maroa babehiana.
5 Morasimi tauna au maahi hai naisa rapeboloi,
au mampopolumao bagona i kahihintotoana.
6 Ia bara ina manawo i hae-haena;
tauna au manoto iti ina rabuhuinao i hae-haena.
7 Ia bara langa i bambari kadake,
tinda laluna lawi mepoinalai i Pue.
8 Maroho laluna hai bara langa
ido hai ina moihe-ihekihe iwalina.
9 Ia motulungihe tauna au meahi-ahi tuwonda
hangko i kabulana laluNa.
Kamaroana laluNa bara ara kahopoana,
ido hai makuasa hai raadai.
10 Moita iti, tauna kadake koi inaona,
mangkeki bagahe anti pekahihi, alana maropuhe;
tunggaianda tauna kadake bara ina tepabukei.